Read Te B'aib'ara 2.Tamuera 8 Bible Online

2.Tamuera 8 - Te B'aib'ara bible

2.Tamuera 8

¹Tabeua te tai i mwiina, e buakana Biritia Tawita ma ni kataenikaiia raoi. E a inaomata ngkai Iteraera man tautaekanakiia irouia.

²E kataenikaiia naba kaain Moaba. Ao i mwiina, e kaweneia aia tautia i aon te tano. E tib'aia nakon tenikoraki; uakoraki a na tiringaki, ao tekorakina a na kamaiuaki. A na riai kaain Moaba aikai ni butim'aea Tawita b'a aia tia tautaeka ma ni kab'aka nakoina te taekiti.

³Ao e waaki nakon Tawita nakon te Karaanga are Iuberetiti ao e katea te kanuringa iai. E a manga kataenikaia uean Tob'a, are arana Atatetera are natin Reoba te m'aane.

⁴E kataenikaiia tengaa itibubua taan buaka mai aoia aoti Tawita ao uabwi te ngaa tautia ake a nakonako. E kataui naba kaa ni buaka, ma e urui ni kabane ma ti tebubua mai buakoia aika e katikui.

⁵Ngke e roko ana taanga ni buaka ana tautaeka Aramean mai Tamateko ni buoka Atatetera, ao Tawita e tiringiia uabwi ma uoua te ngaa mai buakoia.

⁶E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

⁷E a tia ana aobitia Atatetera ni uoti ana kanoanikatebe ni nnen te kanoa ni katebe ae te koora ae e katinea i aon angana, ma e anaa te nne ni kanoa ni katebe aei Tawita, ao e uotia nako Ierutarem.

⁸E uoti naba taian buraati aika a bati man kaawan nako Beta ao Berotai, are ana b'ai Atatetera.

⁹A tia ni kairiribai te uea are Toi mai Amata ao te uea are Atatetera. Ma ngaia are, ngke e ongo Toi ae e a tia Tawita ni kataenikaia ana taanga ni buaka ae e b'anin Atatetera, e a kanakoa natina te m'aane are Ioram n angan Tawita te kaaitau.

¹⁰Ao a uoti naba ana b'aintangira Ioram aika a karaoaki n taian tirewa, koora ao taiani buraati.

¹¹E angan te UEA baikai Tawita, n aron are e karaoia nakon taian tirewa ao taiani koora ake e taui

¹²i Etom, Moaba, Ammon, Biritia, ao mairoun te Uea are Atatetera mai Tob'a.

¹³E buakaniia ana taanga ni buaka Etom n te M'arua are Taari ao e tiringiia 18,000 tautia. E karaoa te kanuringa ngke e oki.

¹⁴Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

¹⁵Ao e tautaekana Iteraera ni kabutaa Tawita ma te eti ao te babaaire raoi.

¹⁶Ioaba are natin Teruia te m'aane bon mataniwin te taanga ni buaka. Ieotiab'ata are natin Airuta te m'aane bon te tia kaawakina rongorongon te tautaeka.

¹⁷Tatoka are natin Aituba te m'aane, ao Abiata are natin Aimereka te m'aane, boni ngaiia taian ibonga. Ao Teraia bon te tia koroboki.

¹⁸Benaia are natin Ieoiata bon te kam'anta irouia taan tararua Tawita. Bon taiani ibonga natin Tawita aika m'aane.