Read Te B'aib'ara 1.Uea 16 Bible Online

1.Uea 16 - Te B'aib'ara bible

1.Uea 16

¹Ao te UEA e kanakoa Ieu are natin Anani b'a e na taetae nakon Baatia ni kaangai:

²Bon akea ae e ataiko mangkoa ni karokoa ae I rineiko Ngai ae te UEA b'a ko na riki b'a te tia kairiiri irouia au Aomata ae Iteraera. Ao ngkai ko a manga boni katotonga naba Ieroboam ni manga karekeia naba Iteraera n te bure. Ko a tia n rangi kaunai n te b'ai ae ko a tia ni karaoia

³n te aro are N na bon tiringko ma am utu, n aron are I karaoia naba nakon ana utu Ieroboam.

⁴Ao ane a na kang rab'ataia am koraki akana a mate n te kaawa taiani kamea, ao a na kang rab'ataia am koraki akana a mate i tinanikun te kaawa taian ikare are te kia.

⁵Ao e rangi ni kauna te UEA Baatia, ao bon anne bukina are E angan iai Ieu te rongorongo i bukin Baatia ma ana utu. E teimatoa n aki ongotaeka Baatia nakon te UEA ngke e katotonga Ieroboam, ma e a rangi ni buakaka riki ana bure ngke e tiringiia ana utu Ieroboam ni kabane. B'aai ni kabane ake e karaoi Baatia i nanon ana tai ni uea a bane ni koreaki n te boki are Rongorongoia uean Iteraera, n reitaki ma ana m'akuri n ninikoria. Ao e mate Baatia ao e taunaki i Tireta, ao e a manga uea natina are Era n onea mwiina.

⁸Ao e uea Era are natin Baatia ngke e a tia ni uea Ata i aon Iuta i nanon 25 te ririki, ao e tautaeka mai Tireta i nanon te uoua te ririki.

⁹Ao e tararuai iteran ana kaanibuaka Era ana mataniwi temanna are Timri. E iaiangoa tiringan Era te mataniwi are Timri. N te bong teuana ao e mena Era i Tireta, e tabe ni mooi manging n ana auti Areta are ana buraiminitita.

¹⁰Ao e m'ananga Timri nako ikekei n tiringa Era. Ma ngaia are, e uea Timri n ana ka 27 n ririki ni uea Ata i aon Iuta.

¹¹Ao ni bon te taa naba are e uea iai Timri, ao e kabaneia n tiringiia ana utu ni kabane Baatia. Bon akea naba temanna te m'aane ke te ataeinim'aane man ana utu ae e tiku ni maiu, n reitaki naba ma raoraona a bane naba n tiringaki.

¹²A boni bane ana utu Baatia ni mate n aron ana taeka Ana burabeti te UEA are Ieu.

¹³A bure Baatia ma Era ao a karekeia Iteraera n te bure, ao a kauna te UEA ngke a taromauri bannaia anti.

¹⁴A bane ni koreaki b'aai ni kabane ake e karaoi Era ngke e uea n te boki are Rongorongoia Uean Iteraera.

¹⁵Ao e riki b'a te uea Timri i aon Iteraera n ana ka 27 n ririki n uea Ata i aon Iuta, ma e uea i nanon ti itiua te bong mai Tireta. Ao a kaemb'a ana taanga ni buaka Iteraera i rarikin Kibeton i Biritia i aan ana kairiiri Omri. A tia n ongo tautia ae e tiringa Era teuare Timri, ao a kauea Omri n te bong naba arei.

¹⁷Ao a m'aati naba n te tai ae e waekoa Omri ma ana taanga ni buaka nako Tireta ma ni buakanna.

¹⁸Ao ngke e noria Timri b'a e a reke te kaawa, ao e a biri nakon m'akoron te bareti are e matoatoa n tiringnga i bon i rouna iai ni kaurarakea te bareti ma boni ngaia ai.

¹⁹E a tia n aki ongeaba Timri nakon te UEA ngke e katotonga Ieroboam, are e karekeia Iteraera n te bure.

²⁰A bane ni koreaki b'aai ni kabane ake e a tia ni karaoi Timri n ana tai ni uea ni ikotaki ma ana kamangao nakon Era i nanon te boki are Rongorongoia Uean Iteraera.

²¹Ao i mwiin maten Timri, ao iai tabem'aang Iteraera ake a tangiria ni kauea Tibeni are natin Kinata te m'aane, ma iai naba tabem'aang ake a tangira Omri.

²²Ao a korakora riki ake a tei i bukin Omri nakoia ake a tei i bukin Tibeni, ma ngaia are e tiringaki Tibeni ao e a riki b'a te uea Omri i aon Iteraera

²³n ana katenibwi n ririki ni uea Ata i aon Iuta. E tautaeka i aon Iteraera Omri i nanon tebwi ma uoua te ririki. N ana moan ririki ake onoua, e tautaekana Iteraera mai Tireta,

²⁴ao i mwiina e kabooa tabukin Taamaria mairoun Temera n taian tirewa ae e kaaniia 70 te kirokuraem rawawataia. E karaoa te kaawa ikekei ao e aranna b'a Taamaria b'a ingoan Temera are ana b'ai ngkoa te tabuki arei.

²⁵E karaoa ae moan te buakaka riki Omri nakoia uean Iteraera ake mai i m'aaina.

²⁶Bon ti te bo raoi arona ma Ieroboam ao e kauna te UEA ae Atuan Iteraera ngke e karikiia Iteraera b'a taani bure ao taan taromauri bannaia anti.

²⁷B'aai ni kabane ake e karaoia Omri ngke e uea ni ikotaki ma ana m'akuri n ninikoria a bane ni koreaki n te boki are Rongorongoia Uean Iteraera.

²⁸E mate Omri ao e taunaki i Taamaria, ao e a manga uea natina te m'aane Aaba.

²⁹Ao e uea Aaba are natin Omri te m'aane i aon Iteraera n ana 38 n ririki ni uea Ata i aon Iuta, ao e tautaekana Iteraera mai Taamaria i nanon 22 te ririki.

³⁰Ao e karaoi riki baika a rangi ni buakaka ririki Aaba nakoia uean Iteraera ake mai m'aaina.

³¹Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

³²E karaoa baonikarean ao ana tembora B'aara Aaba i Taamaria

³³ao e katea te atiibu ae e tabu i bukin taromaurian te anti te aine are Nei Aatera. E boni karaoi b'aai aika e na rangi n un iai te UEA ae Atuan Iteraera nakoia uea ake mai m'aaina.

³⁴Ao e a manga karaoa te kaawa are Ieriko temanna te m'aane ae arana Iera ngke e uea Aaba. Ma ngke e kawenea aan te kaawa Iera, ao e mate natina te m'aane ae a na karimoa are Abiram. Ao ngke e a tia mataroan te kaawa, ao e a manga mate ana bina te m'aane are Tekuba. E riki n aron are E taekinna te UEA nakon Iotua i nanon ririki aika a b'aka nako.