Read Te B'aib'ara 1.Uea 3 Bible Online

1.Uea 3 - Te B'aib'ara bible

1.Uea 3

¹Ao e tiainaa te beeb'a ni boraraoi Toromon i marenana ma uean Aikubita, ao e mare ma natina te aine. Ao e maeka neierei ni m'akoron Ierutarem nikawai, ni karokoa tian raoi ana bareti, te Tembora, ao oon Ierutarem ni katobibia.

²Ao n te tai anne, bon akea te Tembora i bukin taromaurian te UEA, ao a bane aomata n angaanga karea n taiani baonikarea aika kakaokoro.

³E tangira te UEA Toromon, ao e iriiri ana kaetieti ni kabane tamana ae Tawita, ma e anga naba te karea ma te karea are e boiarara i aon taiani baangota.

⁴E mena te kabanea ni kakannato ni baangota i Kibeon, ao e a tia Toromon n anga iai e raka i aon teuana te ngaa taiani karea i aon te baangota anne.

⁵Ao n te tairiki teuana ngke e mena Toromon i Kibeon, ao E kaoti te UEA ae te Atua nakoina n te mii ao E taku, “Toromon, buubutii te b'ai ae ko tangiria b'a N na anganiko.”

⁶Ao e kaeka Toromon: E kakaraoa te eti tamau are Tawita, ao ni karaoi naba mwiokoana ake ko tuangnga. Ko kakaonimaki nakoina, ao ko anganna te nati te m'aane are e a uea ngkai.

⁷Te UEA ae te Atua, bon am Toro ngai, ao Ko karikai b'a te uea i mwiin tamau. Ma I bon rangi ni uarereke ma ni karako au atatai n te m'akuri ni kairiiri.

⁸Ao ngkai, N na tautaekaniia am Aomata aika a rineaki, e ngae ngke a aikoa konaa ni warekaki m'aitiia.

⁹I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

¹⁰Ao E taku te Atua: Toromon. I rangi ni kukurei ngkai ko buubutii i bukin anne. Ko aki buubutii i bukin kaananauani maium, ke karikakim b'a te kaub'ai.

¹¹Ko aki naba buubutii i bukin kamaunakiia am kairiribai, ma ko buubutii i bukin te wanawana n ataa arom ni babaaire.

¹²Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

¹³N na anganiko naba te b'ai ae ko aki buubutii. Ko na riki b'a te kaub'ai ao ko na karineaki ni kabane am bong ni maiu. Ao ko na kakannato riki nakoia uea tabem'aang.

¹⁴Ngkana ko ongotaeka Irou ma ni iriiri nanon au Kaetieti n aron are e karaoia tamam are Tawita, ao N na boni kaananaua maium.

¹⁵Ao e uti Toromon, ao e uringa ae E taetae te Atua nakoina n te mii. E okirikaaki nako Ierutarem, ao e tei i matan te Atiniberita ike e anga iai ana karea n raoi ae kakukureian te UEA, ao te karea are i bukin bubutian te Atua ana kakab'aia. Ao i mwiina, e a karaoa ana baka n am'arake Toromon ma ana aobitia nako.

¹⁶N te bong teuana a roko uoman aine[3] nakon te uea are Toromon

¹⁷ao e taku temanna mai buakoia: Teuae ko karineaki. I kaai ni maeka ma neiei n te auti ae ti teuana. N taai aika a nako, I bungiia natiu n te auti anne,

¹⁸ao tenua te bong i mwiina ao e a manga bungiia natina neiei. Bon akea raora ikekei b'a bon ti ngaira.

¹⁹N te tairiki teuana ngke ti tabe ni matu, ao neiei e taotaona natina ao e mate.

²⁰Ao ngke I bon tabe ni matu naba ao e teirake ao e tabekaanako natiu man au kainiwene. E katikua n ana kainiwene ao e katuka natina n au kainiwene i rarikiu.

²¹Ngke I uti ngke e a ingabong b'a N nang kaam'arakea natiu te m'aane, ao I a nooria b'a e a mate. Ma ngke I a karaua raoi n taraia n te oota ao I a ataia b'a ngaia tiaki natiu.

²²Ao e takaarua te aine are temanna ni kaangai, Bon natim, bon natim ae e mate, ao natiu are e maiu. Ao e taku neirei, Bon natim ane e mate ao natiu ane e maiu. Ao a uneaki i matan Toromon,

²³ni karokoa e a taku Toromon, Kam kaai n taku b'a natimi te teei anne.

²⁴Uotaamai te kabaang temanna. Ao e uotaki te kabaang nakoina, ao e anga ana taeka ni kaangai,

²⁵Korea te teei nakon uaitera. Ao ngkanne kam a toa ni kaka te iterana.

²⁶Ao e takaarua are bon tinan te teei ni kaangai, “Taiaoka! Te uea ae ko karineaki, tai tiringa natiu. I rangi n tangira natiu ma an angan neienne. Tai tiringnga.” Ao e takaarua neiere temanna ni kaangai, “E nako te kai korouaia mai i nuukana b'a ti aonga ni boraoi n akea natira.”

²⁷Ao e taku Toromon, “Tai tiringa te teei.” Ao i mwiina e kotea te aine are e ribaa tiringan te teei ao e taku, Bon tinan raoi te teei neienne. Anganna natina.

²⁸Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.