Read Te B'aib'ara 2.Uea 14 Bible Online

2.Uea 14 - Te B'aib'ara bible

2.Uea 14

¹E uea teuare Amatia are natin Ioati i aon Iuta i nanon ana kauoua n ririki ni uea Ieoaati i aon Iteraera.

²Ai tib'a 25 ana ririki ni maiu Amatia ngke e uea, ao e tautaeka i nanon 29 te ririki mai Ierutarem, are bon ana kaawa naba tinana are Nei Ieoarin.

³E katotoonga tamana are Ioati teuare Amatia b'a e ongotaeka iroun te UEA ni kaakaraoa ae e raoiroi. Ma tiaki aron kakaonimakin ana bakatibu are Tawita.

⁴E aki urui baangotan Iteraera Amatia, ao a boni kamanenaaki naba b'a taabo n angakarea.

⁵Ni bon te tai naba are e tautaeka iai Iteraera Amatia, ao e katikiia naba n tiringiia taian aobitia ake a tiringa tamana.

⁶Ma a aki tiringaki natiia aobitia akekei. E a tia te UEA ni kaotia n ana tua i nanon ana tua [25] Moote b'a a na ti katuaaeaki aomata ake a karaoa te bure, ao a na aki katuaaeaki aia utu ke natiia.

⁷E tiringiia 10,000 tautian Etom te uea are Amatia i nanon te M'arua are Taari. E taua te kaawa are Tera, ao e a manga aranna b'a Ioketeera, are ai bon arana naba ni karokoa te bong aei.

⁸N te bong teuana, e kanakoa ana rongorongo nakon te uea are Amatia are uean Iteraera: “Ko na otinako b'a N na bo ma ngkoe n te buaka.”

⁹E kaoka ana kaeka Ieoati ao e taku: N te bong teuana, ao e katanoata te buakoako ni kai ae e uarereke i Reb'anon b'a e nang mare natina te m'aane ma te nati te aine ae natin te kai ae te tiira. Ma e ti roko naba te man ae e aki manana n toubekaa te buakoako ni kai are e uarereke arei.

¹⁰Tao ko taku Amatia b'a ko a rangi ni korakora i bukina ngke ko a tia ni kataenikaia Etom. Waaki nako, karaoa ami bootaki ni kukurei. Ma ko na aki tiku n am auti. Ngkana iai te kakiriwe ae ko karaoia ao ko na kaai ni kamaunaaki ma abanueam are Iuta.

¹¹Ma e aki kan ongo Amatia, ma ngaia are, a m'ananga Ieoati ma ana taanga ni buaka nakon te kaawa are Betatemeti i Iuta ni buakana Amatia ma ana taanga ni buaka.

¹²Ao e taenikai ana taanga ni buaka Iuta. A bane ni biri rikaaki n okiri aia auti tautian Iuta,

¹³ao e tauaki Amatia iroun Ieoati. I mwiina, e a manga m'ananga Ieoati nako Ierutarem ao e urua oon te kaawa are e buubura arei ni moa man mataroan Eberaim ni karokoa mataroan Koona, te m'akoro are 180 te mita ab'akina.

¹⁴E anai taiani koora ao taian tirewa, ao ai uana naba ma b'aai ni kabane aika a kakaawaki man ana Tembora te UEA ao kaub'ain te uea. E anaiia aomata aika b'aai ni kakoaua, ao e okira Taamaria.

¹⁵A koreaki taekan b'aai ni kabane ake e karaoi Ieoati ngke e uea, n reitaki na ana m'akuri n ninikoria ni kataenikaia uean Iuta are Amatia n te boki are Rongorongoia Uean Iteraera.

¹⁶E mate Ieoati ao e taunaki i Taamaria i rarikiia uean Iteraera ake tabeman. E a manga uea natina te m'aane are Ieroboam.

¹⁷Tebwi ma nimaua te ririki i mwiin maten Ieoati,

¹⁸ao iai tabeman aomata i Ierutarem ake a iangoa tiringakin Amatia. E reke angana ni biri nakon te kaawa are Rakiti,

¹⁹ma e a manga reke irouia aomata tekorakina ao a taua ao a tiringnga ikekei.

²⁰Ao e uotaki rikaaki rab'atana nako Ierutarem i aon akuun te aoti ao e taunaki i rarikiia ana bakatibu. A tauaki rongorongoni b'aai ni kabane ake e karaoi Amatia n ana tai ni uea i nanon te boki are Rongorongoia uean Iuta.

²¹I mwiin matena, a manga kauea natina te m'aane are Ataria are kaain Iuta, e ngae ngke ai tib'a 16 ana ririki ni maiu n te tai arei.

²²Bon Ataria are e a manga kaoka te kaawa are Erata, ma ni manga kateia.

²³E uea Ieroboam are natin Ieoati te m'aane i aon Iteraera n ana katebwi ma nimaua n ririki ni uea Amatia i aon Iuta. E uea Ieroboam i nanon 41 te ririki mai Taamaria.

²⁴E aki ongotaeka naba ni katotoonga ana m'akuri ae e buakaka Ieroboam are natin Nebata te m'aane, are e kareketatiia Iteraera n te bure.

²⁵E karababaa tian Ierutarem Ieroboam mai Rebo Amata are i meang nakon Taari are Mate i maiaki, n aron are E a tia ni berita iai te UEA nakon ana toro are Iona are natin Amitai te m'aane, are bon te burabeti mai Kaata Ebera.

²⁶E buoka Ieroboam te UEA ni karaoa aei i bukina ngke e bon noori kamaamaten rawawataia Iteraera, n te aro are ti te bo te toro ma te inaomata, ao bon akea ae e tiku b'a te tia buokiia.

²⁷Ao i bukina ngke E a tia ni berita te UEA b'a e na bon aki kamanaunaaki ni kabane Iteraera, ai ngaia are, e a buoka iai Ieroboam ni kamaiuia.

²⁸A bane ni tauaki rongorongoni b'aai ni kabane ake e karaoi Ieroboam ngke e uea n reitaki ma ana m'akuri n ninikoria, ao arona n taui kaawa ake Tamateko ao Amata.

²⁹E mate Ieroboam ao e taunaki, ao e a manga uea natina te m'aane are Tekaria.