Read Te B'aib'ara 2.Uea 25 Bible Online

2.Uea 25 - Te B'aib'ara bible

2.Uea 25

¹N ana karuaiwa n ririki n uea Tetekia, ni katebwinan bongin te katebwina n nam'akaina, [48] ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

²I mwiin teuana ma te iterana te ririki, ao e a bane te am'arake n te kaawa are Ierutarem. Ao i mwiin karuaiwani bongin te kaaua n nam'akaina,

⁴ao a urua oon [49] te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

⁵ma a kauiaaki irouia tautian B'aburon i rarikin Ieriko. A katika Tetekia, ma a uamaaenako ni biri nako ana tautia ni kawai aika a kakaokoro.

⁶E uotaki nako Tetekia nako Ribera, ike e a kabowiia iai taekana Nebukaneta ao e reke ni bure ni bukinana.

⁷A tiringaki natin Tetekia bon i matana. A autaki kanoani matana ni karebenakoaki, ao e kabaeaki n taurekereke ma ni uaakinaki nako B'aburon.

⁸N te kaitiua ni bong n te kanimaua n nam'akaina i nanon ana 19 n ririki n uea Nebukaneta, ao e roko i Ierutarem Nebutaratan are temanna mai buakoia ana mataniwi Nebukaneta are e tararuaia taan tei.

⁹E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

¹⁰Ao i mwiina, e tuangiia tautian B'aburon b'a a na urua oon Ierutarem ni katobibia.

¹¹E kairiia nako aomata ake nikira b'a taian taenikai, n ikotaki naba ma koraki ake a tib'a kakaonimaki nakon Nebukaneta.

¹²A ti katukaki tabeman aomata aika a rangi ni kainano b'a taan ribanai taian nenaroka ni kureebe, ao taian tawaana.

¹³A anai taian boua buraati ake uoua ake a tei i matan te Tembora tautian B'aburon, ma taiani kaintei buraati ake a buubuti, ao te boora are e buubura are te buraati are e aranaki b'a Taari, a kamaerikirikii n te aro are a na konaa iai ni uotia nako te buraati nako B'aburon.

¹⁴A uotinako buraati ni kabane ake a kabonganaki i bukin te taromauri n ana Tembora te UEA, n ikotaki ma taiani baan i bukin taiani mannang, ma tiabora, ao b'aai ni m'akuri i bukin te taura, ao taian raurau naba i bukin te b'ai ni kaboiarara,

¹⁵ao ai uana naba ma baanin te ai ao taiani boora ni katimtim. E tuangiia ana tautia Nebukaneta b'a a na uotinako b'aai ni kabane aika a karaoaki man taiani koora ke te tirewa.

¹⁶Te b'ariko ni buraati ake man taiani boua, kaintei, ao taian boora ake a buubura ake e karaoi Toromon i bukin te Tembora are e rangi n rawaawata n tabekaki.

¹⁷Ab'akin teaina te boua bon 8 te miita ao rabunan tabona ae uoua te miita rietaatana. A katamaroaaki rabunan tabona aikai n taiani banna aika buraati. Tabeua kaanga bannan taian tiein ao tabeua kaanga taian bamkuranete. [50]

¹⁸I mwiina, e a manga katika Teraia are te mataniwi ni ibonga te uea are Nebukaneta, ao n reitaki naba ma Tebania are te kauoman ni mataniwi ni ibonga, ao teniman taiani mataniwi n te Tembora.

¹⁹Ao e katika naba temanna te mataniwi n te taanga ni buaka, ao a na tia iango te uea ake niiman, ao taian aobitia ake taani bobotiia tautia nakon te buaka, e a manga kuneia naba 60 riki tautia aika a bon mena naba i Ierutarem.

²⁰E kairiia Nebukaneta ni kabane nako Ribera

²¹i rarikin Amata, ike e a tiringiia iai Nebukaneta. A aki manga maeka n oin abaia kaain Iuta.

²²E rinea Ketaria are natin Aikam te uea are Nebukaneta b'a e na tautaekaniia aomata ake a maeka i Iuta.

²³Ao ngke a ongo taian aobitia n te taanga ni buaka ma tautia b'a e a riki Ketaria b'a aia tia tautaeka, ao a boowi ma ngaia aobitia i Mitib'a. Mm'aane aikai bon Itimaera are natin Netania, Ionatan are natin Karea, Teraia are natin Tanumeta are kaain Nebota, ao Iaatania are kaain Maaka.

²⁴Ao e taku Ketaria nakoia, I boni berita b'a a na bane n nakoraoi b'aai ni kabane. Ti riai n aki maakuia taan tautaeka mai B'aburon, ngkana ti bon karauira ni maeka ikai ma n iri nanoni b'aai ni kabane akana e taekin Nebukaneta.

²⁵Bon kaain te utu ni uea teuare Itimaera. Ao i mwiin uoua te nam'akaina i mwiin ana tautaeka Ketaria, ao e m'ananga Itimaera ma tengaun m'aane nako Mitib'a. A tiringa Ketaria ma ana mataniwi, ni ikotaki ma ake mai Iuta ao mai B'aburon.

²⁶I mwiin anne, ao a bane aobitia n te taanga ni buaka ma aomata ake i Mitib'a ake a kakannato ma ake a aki maaku n te b'ai ae e nang karaoia B'aburon. Ma ngaia are, a kiitana Iuta ao a nako Aikubita.

²⁷E riki b'a te bure Ieoiakin i B'aburon i nanon 37 te ririki. Ao e manga uea i B'aburon, [51] ao i nanon ana moan ririki n tautaeka, n te ka 27 ni bongin te katebwi ma uoua n nam'akaina, ao e a kainaomata Ieoiakin man te karabuuti. [52]

²⁸E rangi n nanoangaa Ieoiakin man karinea Ewiramerotaka nakoia uea ake a tauia buure.

²⁹E boni kariaiakaki naba Ieoiakin b'a e na b'ainna ni kunnikai aika tiaki kunnikaiia buure, ao e am'aam'arake n ana taibora te uea ni katoa bong.

³⁰E b'aab'aka ana m'ane Ieoiakin ni kabane bongin maiuna i bukin kabooan te b'ai are e kainanoia.