Read Te B'aib'ara 1.Rongorongo 14 Bible Online

1.Rongorongo 14 - Te B'aib'ara bible

1.Rongorongo 14

¹Ao e kanako ia tabeman ana mataniwi uean Turo are Iram nakon Tawita. A kairiia kabenta ma taani m'akuri n te atiibu, ao kaai aika tiira aika a tau m'aitiia i bukin katean ana bareti Tawita.

²E ataia ngkai Tawita b'a e a tia te UEA ni karikia b'a te uea ae e korakora i aon Iteraera i bukin aia raoiroi ana aomata.

³I mwiin m'aingin Tawita nako Ierutarem, e mare ma aine riki tabeman ao a manga riki natina m'aane ma natina aine tabeman.

⁴Natina ake a bungiaki ikekei bon Tiammua, Tiobaba, Natan, Toromon,

⁵Ib'a, Eritua, Erebereta,

⁶Noka, Nebeki, Iabia,

⁷Eritiama, Beeriata, ao Eribereta.

⁸Ao ngke a ongo kaain Biritia ae e a uea Tawita i aon Iteraera, ao a roko b'a a na taua, Ma e ongo Tawita n aia iango arei ao e a otinako ni butim'aia b'a e na buaka ma ngaiia.

⁹A tia ni katei auti n rianna kaain Biritia i M'aruan Rebaim ao a eekinakoi kaawa aika a uarereke ake e mena i rarikiia.

¹⁰Ao e titirakina te Atua Tawita ni kaangai, “E riai b'a n na buakania kaain Biritia ke n na aki? Ko na buokai b'a i aonga n tokanikai ke ko aki?” Ao e taku te UEA nakon Tawita, “Eng, buakaniia! N na anganiko te tokanikai.”

¹¹Ao a m'ananga Tawita ma ana taanga ni buaka nako B'aara-Beratim, ike a buakaniia iai kaain Biritia. Ao e taku, “I konaiia au kairiribai i bukina b'a e uruia te Atua n ai aron te ieka ae e korakora.” Ma ngaia are, e arana te tabo arei b'a “E uruia te UEA.”

¹²Ao e anga ana taeka Tawita nako ia ana taanga ni buaka b'a a na kaurai taian bouananti ake a katikui kaain Biritia imwiia.

¹³Tabeua te tai i mwiina, ao a oki kaain Biritia ni katei auti n rianna n te M'arua are Rebaim.

¹⁴Ao e titirakina te Atua te uea are Tawita b'a tera ae e na karaoia, ao e taku te UEA, “Kam na aki buakaniia mai moaia. Naako meena i akuiia nakon te tabo are e mena iai taian aroka ake marubere.

¹⁵Kam na tataninga ikekei ni karokoa kam ongo tangin taberan taian aroka aika kaanga tangin m'anangaia taanga ni buaka. Nanon te tang anne b'a I a tia n rimoami ni buakaniia ana taanga ni buaka Biritia. Ao kam a riai ni kawaekoaingkami ni buaka”

¹⁶Ao e ongotaeka Tawita iroun te Atua ao e konaiia kaain Biritia. E bon kakionako ia naba i nanon te kawai are mai Kibeon nakon te mataroa n rin nako Ketera.

¹⁷Ao man te tai anne, e rikirake n tanoata Tawita, ao te UEA e karikiia botannaomata ni kabaneia b'a a na maakua.