Read Te B'aib'ara 1.Rongorongo 4 Bible Online

1.Rongorongo 4 - Te B'aib'ara bible

1.Rongorongo 4

¹Iuta bon tamaia naati m'aane aika niiman aika: Bereti, Etiron, Karemi, Ura, ao Tiobara.

²Tiobara bon tamaia Reaia, tibun Iaata te m'aane, ao tibutoruia Aumai ma Raata te m'aane. Boni kaain naba te kaainga are Tora m'aane ni kabane aikai.

³Aia karimoa te m'aane Kareb'a ma Nei Ebeata bon Ura. A tekateka ana kariki tabeman n te kaawa are Betereem. Ana kariki Ura ake tabeman bon Etam, Benuera, ao Etera.

⁴Natin Etam m'aane bon Ietireera, Itima, ao Itebati, ao natina te aine bon Nei Aterereboni. E tekateka Benuera n te kaawa are Ketora, ao e tekateka Etera n te kaawa are Utia.

⁵Boni iai uoman buun Atiura are e tekateka n te kaawa are Tekoa aika Nei Eera ao Nei Naara.

⁶Atiura ma Nei Naara bon aia karo Autam, Ebera, Temeni, ao Aatitari.

⁷Atiura ma Nei Era boni aia karo Tereta, Itiia, ao Etanan.

⁸Akoti, are tamaia Anuba, ao Tobeb'a, bon ngaia naba aia bakatibu kaain te kaainga are Aarera are natin Arum te m'aane.

⁹Iabeti bon te m'aane are e reke arana i bukin te maraki are e reke iroun tinana ngke e ariri ni maraki ni bungina. Ma bon te nati naba ngaia ae e rangi n onimakinaki n ana utu. [7]

¹⁰E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

¹¹Kerub'a bon tarin Tua ao taman Meira. Rimwi riki, ao rimwi e a riki natin Meira te m'aane ae Etiton,

¹²are teniman natina m'aane ake Betaraba, Betea, ao Teinna. Bon Teinna are e tekateka n te kaawa are Naati.[8] A maeka ngkoa m'aane aikai ma aia utu n te kaawa are Reka.

¹³Kenati bon tamaia Oteniera, ao Teraia. Iai natin Oteniera aika uoman m'aane aika: Atata, ao Meonotai

¹⁴are taman Obera. Teraia bon taman Ioaba, are e tekateka n te tabo are e aranaki b'a “M'aruan Te Karaob'ai.”[9] i bukina ngke a rangi ni b'aati ni karaob'ai kaain te tabo arei.

¹⁵Kareb'a are natin Iebunne te m'aane iai natina aika teniman m'aane aika: Iru, Era, ao Naam. Era bon taman Kenati.

¹⁶Iearerera bon taman Tibe, Tib'a, Tiria, ao Atarera.

¹⁷Etira bon tamaia Ietera, Mereta, Ebera, ao Iaron. E mare Metera ma Nei Bitia are natin uean Aikubita. Iai natiia te aine ae arana Miriam ao uoman natina m'aane aika Tiammai, ao Itib'a. E tekateka Itib'a n te kaawa are Etitemoa.

¹⁸E mare naba Mereta ma ainen te baronga are Iuta, ao natiia m'aane bon Iereta, Ebera, ao Iekutiera. E tekateka Iereta n te kaawa are Ketora. E tekateka Ebera n te kaawa are Toko, ao e tekateka Iekutiera n te kaawa are Tanoa.

¹⁹E mare te m'aane are Oria ma m'anen Naam. Ana kariki Oria bon Keira are kaain te kaainga are Kam, ao Etitemoa are kaain te kaainga are Maaka.

²⁰Timon bon tamaia Amnon, Rinna, Benanan, ao Tiron. Iti bon tamaia Toeta, ao Bentoeta.

²¹Iai naba natin Iuta te m'aane ae arana Tiera are e a riki mai rouna kaain te kaawa are Koteba, ao ai uana naba ma Era are e tekateka n te kaawa are Reka, ao Raata are e tekateka n te kaawa are Maretia.

²²Bon ana kariki naba Tiera aomata ake a maeka n te kaawa are Beta Atibea, ao a rangi ni b'aati rarangaan te kunnikai. Tiera bon aia bakatibu Ioati ao Tarabe, m'aane ake uoman ake a mare ma ainen Moaba ao i mwiina, a manga tekateka i rarikin Betereem, ma a bon rangi ni maan rongorongon te utu aikai.

²³Bon taani karao b'ainam'arake aika taian tano kaain te kaainga aikai ake a maeka n te kaawa are Netaim ao Ketera ao a m'akuri i bukin te uea.

²⁴Iai natin Timeon m'aane aika niiman aika Nemuera, Iamin, Iariba, Tera, ao Tiaura.

²⁵Aikai ana kariki Tiaura: Natina m'aane ake Tiarum, tibuna are Mibetam, ao tibutoruna are Mitima.

²⁶Aikai ana kariki Mitima: Natina te m'aane are Ammuera, tibuna te m'aane are Takuura, ao tibutoruna are Timei.

²⁷Bon iai natin Timei aika tengaun ma onoman m'aane ao onoman aine. Ma a aki roko m'aitin natiia tarina i rouna, ma ngaia are, e uarereke riki te baronga are Timeon nakon te baronga are Iuta.

²⁸I m'aain rikin Tawita b'a te uea, ao a maeka ngkoa kaain te baronga are Timeon ni kaawa aikai: Beerateb'a, Morata, Atatuara,

²⁹Birea, Etem, Torata,

³⁰Betuera, Orema, Tikeraka,

³¹Beta Marekabota, Atatutim, Betabiri, ao Tiaaraim.

³²A maeka naba ngkoa ni kaawa ake nimaua ake Etam, Ain, Rimmon, Token, ao Atian

³³ni ikotaki naba ma kaawa aika a uarereke ake a uakaan ni karokoa te kaawa are B'aara. Aikai taabo ake a tia n tekateka iai ana kariki Timeon, n aron are e tauaki taekana ni bon rongorongon oin aia utu.

³⁴Ao ngke e a rikirake ni buubura aia utu ma aia kaainga,

³⁵ao a karekeaki taani kairiiri mairouia kaain Timeon.

³⁶Ao aikai araia: Metiobaba, Iamreka, Iota are natin Amatia,

³⁷Ioera, Ieu, Erioenai, Iakob'a, Ietioaia,

³⁸Ataia, Ariera, Ietimiera, Benaia, ao Tita.

³⁹Ngke a manga tangiri riki taabo n uteute aomata i bukin aia nanai n tiibu ao aia nanai ni kao, ao a taraa te tabo ni kabane are i mainikun te m'arua are e mena iai te kaawa are Kerara [10]

⁴⁰ao a kunei iai taabo n uteute aika a tamaroa aika a m'aiti aika taabo aika a rau ae a kamwengaraoi. E boni b'ainaki ngkoa te tabo aio mai i m'aaina irouia kaain Am,

⁴¹ma ngke e uea ngkoa Etekia i aon Iuta, ao a buakanaki kaain Am ma kaain Meun ma ni kanakoaki irouia kaain te baronga are Timeon man te aba, ao a tekateka ikekei.

⁴²Tabeua te tai rimwi riki, ao a m'ananga nako 500 m'aane man te baronga are Timeon nako Etom [11] i aan aia babaaire Beratia, Nearia, Rebaia, ao Utiera ake natin Iti m'aane.

⁴³A tiringiia nikiraia kaain Amareka, ao a maeka ikekei man te tai anne.