Read Te B'aib'ara 2.Rongorongo 10 Bible Online

2.Rongorongo 10 - Te B'aib'ara bible

2.Rongorongo 10

¹E nako Tekem Reoboam ike a bane n tataningaia aomata iai b'a a nang kaueaa.

²Ao e ongo taekan te b'ai arei Ieroboam are natin Nebata te m'aane, ao e a manga oki nako Aikubita, ike e nako iai ni karabaa ngkoa mairoun Toromon.

³Ao a kanaanako weteana kaain te baronga are Iteraera meang. Ao i mwiina, a bon bootaki ni m'ananga nakon Reoboam ao a taku nako ina,

⁴“E kairoroira tamam are Toromon b'a ti na m'akuri korakora. Ma ngkana ko kabebetea ara m'akuri, ao ti na m'akuri iroum mani karaoi b'aai ni kabane akana ko tuangiira.”

⁵Ao e taku Reoboam, “Kam a manga oki i mwiin tenibong b'a n na anganingkami au kaeka.” Ma ngaia are, a nako aomata akekei.

⁶Ao e nako Reoboam ni kawariia taani kairiiri ngkoa ake ana mataniwi aika rietaata tamana, ao titirakiniia ni kaangai, “Tera ae n na taekinna nakoia aomata aikai?”

⁷Ao a taku naakekei, “Ngkana ko tangiriia b'a a na m'akuri i bukim ma n ongotaeka iroum, ao ko na akoia ma ni berita b'a ko na kabebetei aia m'akuri.”

⁸Ma e aki kukurei Reoboam n aia iango ao e a manga nako ni kawariia rorobuaka n ataei ake e bon kaai n ikawai rake ma ngaiia ake a riki ngkai b'a taian mataniwi.

⁹Ao e titirakiniia ni kaangai, “Tera am iango n te b'ai ae n na taekinna nakoia aomata ake a tuangai b'a n na kabebetei aia m'akuri?”

¹⁰Ao a taku ana taan iango ake rorobuaka n ataei akekei: Aio te b'ai ae ko na taekinna nakoia: Kam na iangoia b'a e mamara riki tamau nako iu. [30]

¹¹E kam'akuringkami n te m'akuri ae e rawaawata, ma ngai n na kam'akuringkami n te m'akuri ae moan te rawaawata riki. E kataereingkami n taiani kainikataere, ma ngai n na kataereingkami n taiani kainikataere aika iai taiani m'akoro ni biti aika a kakang i taboia!”

¹²I mwiin tenibong, ao a oki rikaaki Ieroboam ma tekorakina.

¹³E aki kubara aia iango taani iango ake a kawara Reoboam. Ao e kaonakoia

¹⁴man tuangiia raoi aia iango ake bon oin ana taan iango. Ao e taku: “E kam'akuringkami tamau n te m'akuri ae e rawaawata, ma ngai n na kam'akuringkami n te m'akuri ae moan te rawaawata riki. E kataereingkami n taiani kainikataere, ma ngai n na kataereingkami n taiani kainikataere aika iai m'akoro ni biti aika a kakang i taboia!”

¹⁵Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

¹⁶Ti nang boni karaoi b'aai ake ti bon taku. Bane mai Iteraera, ti a bane n okiri mwengara!

¹⁷E nang bon tautaekaniia ake bon oin ana aomata Reoboam.”

¹⁸E kanakoa Atoniram [31] are e tararuaia taan m'akuri ake ana tia m'akuri te uea ae Reoboam b'a e na taetae nakoia aomata, ma a karebanaia aomata n te atiibu ni karokoa e mate.

¹⁹Ao e biri nakon ana kaanibuaka Reoboam ao e kawaekoa n okira Ierutarem. Ao a bane Iteraera are te baronga are meang n okiri mwengaia ma ni kiitana Reoboam b'a e na tautaekaniia ake bon oin ana aomata i Iuta, ao man te tai anne are a rawa iai Iteraera n ongo irouia ma ana utu Tawita i Iuta. A riki b'aai aikai ni kabane n aron are e a tia n tuanga Ieroboam ana burabeti te UEA are Aiia are kaain Tiro.