Read Te B'aib'ara 2.Rongorongo 5 Bible Online

2.Rongorongo 5 - Te B'aib'ara bible

2.Rongorongo 5

¹Ao ngke e a bane karaoan ana Tembora te UEA, ao e a karin b'aai ni kabane Toromon ake e a tia ni katabui tamana are Tawita b'a a na b'ai te UEA i nanon te ruu ni b'ai, n reitaki ma te koora ao te tirewa, ao b'aai ake a kabonganaaki i bukin te taromauri.

²E a tia ni kaawakinaki te Atiniberita i aon te Maunga are Tion, are e ataaki naba n arana ae ana Kaawa Tawita.

³Ma e iangoia Toromon b'a e na kam'ainga te Atiniberita nakon te Tembora ngkana a bane ni mena aomata i Ierutarem ngkana a karaoa bukamaruan te Toa ae M'anganikaai i nanon te kaitiua n nam'akaina. [16] Ao e weteia ni kabane taan kairiri aika a kakannato mai Iteraera.

⁴Ao ibonga ma kanoan Rewi, a anaa te Atiniberita, Um'antabunrianna,

⁵ao b'aai ake a kabonganaaki i bukin te taromauri, ao a uoti nakon te Tembora.

⁶Ao a m'ananga Toromon ma te koraki n aomata i matan te Atiniberita, ao a manga kareani riki taian tiibu ma kao aika e aki reke warekaia i aon kawaia.

⁷A uota te Atiniberita taian ibonga nakon te Tabo are Moan te Tabu ao a kaaki i aan baiia baika a maiu,

⁸ake a rabuna te Atiniberita ma taian kainamoamo i bukin uotakina.

⁹A rangi n anaanau taiani kainamoamo n te aro are a bon ti konaa n nooraki mai tinanikun te Tabo are Moan te Tabu, ao akea riki. Ao a tiku ikanne man te tai anne.

¹⁰Bon ti uoua b'aai ake a kaawakinaki i nanon te Atiniberita b'a taian atiibu aika a raababa aika uoua ake e katikui Moote ngke e karaoa ana boraraoi te UEA ma ana aomata n te Maunga are Tinai, [17] i mwiin kaotinakoaia mai Aikubita.

¹¹Ao a bane n tia n nako ibonga mani m'akoro nako i bukin kaitiakaia i bon irouia b'a a aonga n itiaki ma ni butim'aeaki iroun te UEA.

¹²A kunnikainiia n te niiniira te rinen aika a tamaroa taani katangitang ake kanoan Rewi, n reitaki ma Ataba, Eman, Ierutun, ao natiia m'aane ao aia koraki. A tei i mainikun te baonikarea, ma ni katang taian timbara, aabi aika a uarereke, ao b'aai ni katangitang aika taiani karai.

¹³Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

¹⁴E mena mimitongin te UEA i nanon te nang arei, ao e rangi n raaitiiti te oota ae e nako mai iai n te aro are a aki konaa n tiku ibonga i nanon te Tembora ni karaoa aia m'akuri.