Read Te B'aib'ara Etira 10 Bible Online

Etira 10 - Te B'aib'ara bible

Etira 10

¹Ao ngke e mena Etira i aon bubuaniwaena i matan ana Tembora te Atua, n tataro ma ranni matana i matana, ao e kab'arabure i bukiia Iteraera, ao a ikotaki i rarikina m'aane, aine, ao ataei aika a rangi ni m'aiti ma n tang ni korakai.

²Ao e taku Tekania are natin Ieiera te m'aane man ana utu Eram: Etira, ti a tia n aki ongotaeka iroun te Atua ngke ti mare ma aine aika Ianena, ma bon iai naba te kaantaninga i bukiia Iteraera,

³ngkana a manga ongotaeka n iri nanon taian taeka ao aia iango tekorakina aika a karinea ana tua te Atua ma te koaua. Ti na riai ni berita nakon te Atua b'a ti na raure ma aine aika Ianena ma ni kanakoia, ni ikotaki ma aia ataei.

⁴Etira, e a bon nakoim ane ko kani karaoia. Ti na bon boutokai b'aai nako akana ko karaoi. Ma ngaia are, ko na ninikoria.

⁵Ao e teirake Etira ao e katueaia mataniwi ni ibonga, kanoan Rewi, ao aomata ni kabane i aon Iteraera b'a a na iri ana babaaire Tekania.

⁶Ao i mwiina, e Etira kiitana ana Tembora te Atua ao e nako n ana ru Ieoanan are natin Eriatiba te m'aane n tiku iai ni kangainaa. E rangi n raraoma i bukin te b'ai ae a tia ni karaoia aomata, ao e aki kana ma n nima te b'ai teuana.

⁷Ao mataniwi ma taani kairiiri a kanakoa te rongorongo nakoia te koraki ni kabane ake a oki mai B'aburon ake a maeka ngkai i Ierutarem ao i Iuta. A tuangaki b'a a na kanenei nako Ierutarem i nanon tenua te bong, b'a a kaawa ni bua aia b'ai ni kabane man aki atongaki b'a raoiia te koraki ake a tia n oki mai B'aburon.

⁹I mwiin tenua te bong, n te kauabwi ni bong n te karuaiwa n nam'akaina, [62] A bane n roko i Ierutarem aomata mai Iuta ao Beniamin ao a tekateka ni katawanangin te Tembora. Bon te kabowi ae e aki manikangare b'a a tekateka i aan te karau ikekei, ma n ruru ni mariri.

¹⁰Ao e teirake Etira are te ibonga ao e taku: Kam a tia n urua ana tua te Atua ngke kam mare ma aine aika Ianena, ao kam a manga karakaa riki namakinan te bure nakon te botannaomata ae e b'anin.

¹¹Ao ngkai, kam riai ni kaoti ami bure nakon te UEA ae Atuaia ami bakatibu ao ongotaeka i rouna. Kam na raure ma buumi akana Ianena ao kam na aki manga reitaki ma taian Ianena akana a maeka i rarikimi nako.

¹²Ao a bane n takaarua aomata ake n te bootaki arei: E bon eti ane ko taekinna. Ti na karaoa ane ko taku.

¹³Ma ti te kaangaanga b'a a rangi ni m'aiti ara koraki, ao ti aki konaa n tiku i aan te karau n arora aei. A m'aiti raora ake a tia ni bure ni mare ma aine aika Ianena, ao e bon aki konaa ni katiaaki aei i nanon teuana ke uoua te bong.

¹⁴A aki konaa n tiku ara mataniwi i Ierutarem ikai ni karaoa te b'ai aei i bukira? Aomata ake a tia ni bure n aron aei, a na riai ni kaitibo ikai ma taani kairiiri ma taani moti man aia kaawa nako n taina ae e baaireaki. Ngkana ti karaua ni katiaa raoi te kaangaanga aei, ao te Atua e na bon katoka iai unna ae e korakora iroura.

¹⁵Bon ti Ionatan are natin Ataera te m'aane ao Iateia are natin Tikewa ake a rawa n te babaaire, ao a boutokaaki irouia kanoan Rewi ake uoman ake Meturam ao Tiabetai.

¹⁶Ao a bane aomata nako ake a oki man te kataenikaiaki ni kariaia te babaaire. Ma ngaia are, Etira are te ibonga, e a rineia m'aane[63] ake atuun taian utu, ao e koroi araia. Ao a moana aia m'akuri i aon te b'ai aei ni moanibongin te katebwina n nam'akaina,

¹⁷ao e aki bane ni karokoa moanibongin te moan nam'akaina [64] n te ririki are i mwiina.

¹⁸Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

²⁰Anani ao Tebaria man ana utu Immera;

²¹Maateia, Eria, Temaia, Ieiera, ao Utia man ana utu Arim.

²²Erioenai, Maateia, Itimaera, Netanera, Iotabata, ao Erata man ana utu Batura.

²³Aikai araia kanoan Rewi ake a mare ma aine aika Ianena; Iotabata, Timei, Keraia, (e aranaki naba b'a Kerita), Betaia, Iuta, ao Erietera.

²⁴Bon iai naba buun Eriatiba are te tia katangitang ao te tia anene ae te Ianena. Aikai taan tei n te Tembora aika iai buuia Ianena: Tiarum, Terem, ao Uri.

²⁵Aikai araia Iteraera ake tekorakina ake iai buuia aika Ianena: Ramia, Itiia, Marekia, Miiamin, Ereata, Atiabia, [65] ao Benaia man ana utu Baroti;

²⁶Matania, Tekaria, Ieiera, Aberi, Ieremota, ao Eria man ana utu Eram;

²⁷Erioenai, Eriatiba, Matania, Ieremota, Tabata, ao Atita man ana utu Tatu;

²⁸Ieoanan, Anania, Tabai, ao Aterai man ana utu Bebai;

²⁹Meturam, Maruka, Ataia, Iatuba, Teara, ao Ieremota man ana utu Bani;

³⁰Atena, Kerara, Benaia, Maateia, Matania, Betarera, Binnui, ao Manate man ana utu Bata Moaaba;

³¹Erietera, Itiia, Marikiia, Temaia,

³²Timeon, Beniamin, Maruka, ao Temaria man ana utu Arim;

³³Matenai, Matata, Tabata, Eribereta, Ieremai, Manate, ao Timei man ana utu Atum;

³⁴Maatai, Amram, Uera,

³⁵Benaia, Beteia, Kerui,

³⁶Wania, Meremota, Eriatiba,

³⁷Matania, Matenai, ao Iaatu man ana utu Bani;

³⁸Timei, Teremia, Natan,

³⁹Ataia, Makenatebai, Tiatiai,

⁴⁰Tiarai, Atarera, Teremia,

⁴¹Temaria, Tiarum, Amaria,

⁴²ao Ioteb'a man ana utu Binnui; [66]

⁴³Ieiera, Matitia, Tabata, Tebina, Iatai, Ioera, ao Benaia, man ana utu Nebo.

⁴⁴Mm'aane aika a raure ma buuia ianena, a raure ma ngaiia, ao i mwiina, a kaokiia nako ma natiia.[67]