Read Te B'aib'ara Neemia 10 Bible Online

Neemia 10 - Te B'aib'ara bible

Neemia 10

¹Ngkai te koowana ngai, ao ngai ae[38] n na karaoa te boraraoi ma Tetekia ao ibonga aikai:

²Teraia, Ataria, Ieremia,

³Batura, Amaria, Marekia,

⁴Atuti, Tebania, Maruka,

⁵Arim, Meremota, Obaria,

⁶Taniera, Kinneton, Baruka,

⁷Meturam, Abiia, Miiamin,

⁸Maatia, Birekai, ao Temaia.

⁹Aikai kanoan Rewi ake a anganaki tib'angaia: Ietua are natin Atania te m'aane, Binnui man te kaainga are Enatata, Katemiera,

¹⁰Tebania, Oria, Kerita, Beraia, Anan,

¹¹Mika, Reoba, Atiabia,

¹²Takuura, Terebia, Tebania,

¹³Oria, Bani, ao Beninu.

¹⁴Aikai taani kairiiri ake a anganaki tib'angaia: Baroti, Baata-Moaba, Eram, Tatu, Bani,

¹⁵Bunni, Atikata, Bebai,

¹⁶Atoniia, Bikewai, Arin,

¹⁷Atera, Etekia, Atura,

¹⁸Oria, Atum, Betai,

¹⁹Ariba, Anatota, Nobai,

²⁰Makebiati, Meturam, Etira,

²¹Metetabera, Tatoka, Iarua,

²²Beratia, Anan, Anaia,

²³Otea, Anania, Atuba,

²⁴Aroeti, Bira, Tiobeki,

²⁵Reum, Atiabena, Maateia,

²⁶Aiia, Anan, Anan,

²⁷Maruka, Arim, ao Baana.

²⁸Ti bane ma taiani ibonga, kanoan Rewi, taan tei n te tembora, taan anene, taani m'akuri ao taani kairiiri, n ikotaki ma buura ao natira, ni kaokoroira mairouia taiani iruwa n te aba aei ao ngkai ti a rin i nanon te berita ma ootara aika a tab'anin raoi n te b'ai ae ti karaoia.

²⁹Ma ngaia ae, ti anga ngaira nako aan ana kamaraia te UEA ae Atuara, ngkana ti a manga aki ongotaeka naba nakon ana tua ao ana reirei ake ti anganaki iroun ana toro are Moote.

³⁰Ti aki kariaia b'a a na mare natira m'aane ma natira aine ma taiani ianena,

³¹Ti aki kaboob'ai n te Taabati[39] ke ni kabooa naba te uita n te Taabati ke ni boong riki tabeua aika a tabu, ao ti aki kariaia naba taian ianena b'a a na boob'ai ni boong akanne. Ti kakamotirawai ara tawaana ni katoa itiua te ririki, ao ti kamaunai taian taarau ni kabane.

³²Ti na angaanga ara anganano ngaira aikai n tatabemaniira nako ni katoa ririki aika teutana te tirewa nakon ana Tembora Atuara.

³³Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

³⁴Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

³⁵Ti na uouota moan m'akoron ara tai n te uita ma te uanikai.

³⁶Ti na uouoti naba ara karimoa m'aane ao karimoa aine man ara nanai ni kao ao ara nanai n tiibu man n anga nakoia taian ibonga ake a m'akuri n te Tembora, i bukina b'a bon aei te b'ai ae e koreaki n ana Tua te Atua. [40]

³⁷Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

³⁸A na riai ni mena ikekei ana utu Aaron ngkana ti anga baikai nakoia kanoan Rewi. Ao i mwiina, a na kaaki teuana te katebwina man te m'akoro aei i nanon ruunib'ain te Tembora,

³⁹are bon nnen naba b'aai aika a tabu aika a na kabonganaaki irouia ibonga, ao te Tembora, ao ai taan anene. Ti na riai n aki kakeaa manenan ana Tembora Atuara.