Read Te B'aib'ara Neemia 12 Bible Online

Neemia 12 - Te B'aib'ara bible

Neemia 12

¹A m'aiti ibonga ao kanoan Rewi ake a oki mai B'aburon ma Terub'abera [43] ao Iotua are aia taani kairiiri. Ibonga aikai bon Teraia, Ieremia, Etira,

²Amaria, Maruka, Atuti,

³Tekania, Reum, Meremota,

⁴Ito, Kinnetoi, Abiia,

⁵Miiamin, Maaria, Bireka,

⁶Temaia, Ioiariba, Ietaia

⁷Taru, Amoka, Irekia, ao Ietaia are temanna. Aikai araia ibonga ake taani kairiiri ma aia taan buobuoki i nanon ana tai Iotua. [44]

⁸Aikai araia kanoan Rewi ake a oki: Ietua, Binnui, Katemiera, Terebia, Iuta, ao Matania. Tib'angaia ma aia taani buobuokia bon taian anene n nebo,

⁹ao Bakebukia ao Unno, n reitaki ma aia taani buobuokia, taani kaekaekaia n taian anene.

¹⁰Iotua bon taman Ioiakim, ao tibun Eriatiba te unim'aane, ao tibutorun Ioiata te unim'aane.

¹¹Ioiata bon taman Ionatan ao tibun Iarua te unim'aane.

¹²Aikai taian ibonga ake a riki b'a taan kairiiri man aia kaainga n ana tai n ibonga ae e rietaata Ioiakim: Meraia man te kaainga are Teraia, Anania mairoun Ieremia,

¹³Meturam mairoun Etira, Ieoanan mairoun Amaria,

¹⁴Ionatan mairoun Maruki, Ioteb'a mairoun Tebania,

¹⁵Atena mairoun Arim, Erekai mairoun Meraiota,

¹⁶Tekaria mairoun Ito, Meturam mairoun Kinnetoi,

¹⁷Tikeri mairoun Abiia, [45] Biretai mairoun Moaria,

¹⁸Tiammua mairoun Bireka, Ieonatan mairoun Temaia,

¹⁹Matenai mairoun Ioiariba, Uti mairoun Ietaia,

²⁰Karai mairoun Tarai, Ebera mairoun Amoka,

²¹Atiabia mairoun Irekia, ao Netanera mairoun Ietaia.

²²I nanon aia tai ibonga aika a rietaata aika Eriatiba, Ioiata, Ioanan, ao Iarua, ao i nanon naba ana tai ni uea Taraiati i aon Botia, ao a kaawakinaki araia koraki ake a riki b'a atuun kanoan Rewi ao utuia taiani ibonga.

²³Ma e ngae n anne, ao bon akea tauan rongorongoia ae e eti ana kaainga kanoan Rewi i mwiin maten Ioanan, [46] are tibun Eriatiba te m'aane.

²⁴A tararuai kuaaea ake uoua, Atiabia, Terebia, Ietua are natin Katemiera te m'aane, [47] n reitaki ma aia taani buokiia. Kuaaea aika uoua aikai ake a kaainaki irouia kanoan Rewi ake a anene n neboa te Atua, n aron are e a tia ni baaireia ngkoa ana aomata te Atua are te uea are Tawita.

²⁵Taan tararuai taian ruunib'ai ake i rarikin mataroan te kaawa bon Matania, Bakebukia, Obaria, Meturam, Taremon, ao Akuba.

²⁶A maiu m'aane aikai ni kabane i nanon ana tai Ioiakim [48] ao i nanon naba au tai ni koowana ao ana tai n ibonga Etira are te tia reirei n ana Tua Moote.

²⁷Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

²⁸A maeka kanoan Rewi ake taan anene ni kaawa aika a uarereke ake i rarikin Ierutarem,

²⁹ma ngaia are, a roko maikanne, ao ai uana naba ma kaawa aika a uarereke ake i rarikin Netob'a, Beta-Kirekara, Keeb'a, ao Atimaweta.

³⁰Ao a karaoi taian bootaki aika a kaokoro ibonga ma kanoan Rewi i bukin katabuaia, ao i mwiina, a manga karaoa naba ae aron arei i bukiia aomata ni kabane ao i bukin mataroan ma oon te kaawa.

³¹I kairiia taani kairiiri mai Iuta nako taubukin oon te kaawa ao I angania tabeia b'a a na tararuai uakoraki ake a na m'aati ni katobibi i aon taubukin te oo, ma n anene n neboa te Atua. Te m'akoro are teuana e na m'aati nakon te angaatai ni kaineta te Mataroa are Kabiti.

³²Ao a na iraki iroun Otiaia ao iteraia taani kairiiri,

³³Ao i mwiina, e roko te ibonga are Ataria, Etira, Meturam,

³⁴Iuta, Beniamin, Temaia, ao Ieremia,

³⁵a bane ngaiia ni katang taiani bu. I mwiina, ai manga Tekaria are man te kaainga are Ataba [49]

³⁶ngaia ma ana koraki aika Temaia, Atarera, Mirarai, Kirarai, Maai, Netanera, Iuta, ao Anani. A katangi taian b'ai ni katangitang aika taiani karai n ai aron ake a tia ni katangaki iroun Tawita are ana aomata te Atua. Ao a m'aati mai akuun Etira, are te tia reirei n te Tua.

³⁷Ao ngke a roko n te Mataroa are Koburake n Ran, ao a tam'arakea te kawai n ararake nakon ana Kaawa Tawita ao a ri rarikin te bareti, i m'aain are a toki n te Mataroa are Ran i rarikin oon te kaawa are i mainiku.

³⁸Ao te kauoua ni koraki n anene, a m'aati man te itera are teuana n iriia ri rarikin te oo, n reitaki ma iteraia taani kairiiri i Iuta. Ao ti m'ananga ri rarikin te Taua are Umum, ma te Oo are Raababa,

³⁹ma te Mataroa are Eberaim, ma te Mataroa are B'ainikawai, ma te Mataroa are Ika, ma te Taua are Ananera, ma te Taua are Tebubua, ao ni karokoa te Mataroa are Tiibu. Ao n te kabanea ti a toki n te mataroa are Aia Mataroa Taan Tei,

⁴⁰bon raora naba iteraia taani kairiiri n te m'akoro are I mena iai, ao ti tei i matan te tembora ma taiani m'akoro ake tabeua n neboa te Atua.

⁴¹Ao n reitaki naba ma ibonga ake Eriakim, Maateia, Miniamin, Mikaia, Erioenai, Tekaria ao Anania, ake a katangi taiani bu.

⁴²A tei naba ikekei Maateia, Temaia, Ereata, Uti, Ieoanan, Marekia, Eram, ao Etera, ao e kairiia taan anene Ietiraia.

⁴³E a tia te Atua ni kakukureia taian aomata, ao ni karokoa naba te bong ni bootaki arei ai ngaia are a anga taian angab'ai ao taian karea aika moan te m'aiti. Ao a ira buakon te bukamaru aine ma ataei, ao a takaarua ni kukurei ao e rokoroko b'anaaia n taabo aika a raroa nako man te kaawa are Ierutarem.

⁴⁴A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

⁴⁵Ao ngke a karaoa te bootaki i bukin karaoaia aomata b'a aonga n tau nakon taromaurian te Atua. Ao a karaoi tabeia taan anene ma taan tei n te tembora ni kaineti ma te kaetieti are e a tia n anganiia Tawita ma natina are Toromon.

⁴⁶E a bon kaman wawaakinaki kairan te anene irouia taan kaira te anene ma taian anene n nebo ao taian taromauri mairoun Tawita ma Ataba.

⁴⁷A bane Iteraera n anga b'aai nako ake a bon taku b'a a na kainanoaki irouia taan anene ao taan tei n te tembora man te baronga are Rewi i nanon au tai ma Terub'abera. Ao i mwiina, a na anganaki ibonga tib'angaia mairouia kanoan Rewi man b'aai ake a tia n reke irouia.