Read Te B'aib'ara Te Otinako 25 Bible Online

Te Otinako 25 - Te B'aib'ara bible

Te Otinako 25

¹E taku te UEA nakon Moote:

²Tuangiia Iteraera ni kabane b'a akana tangiria n anga aia b'aintangira a riai n uoti nako im.

³Aikai m'aitin b'aai ake ko na rikoi: te koora, te tirewa, ao te buraonti;

⁴te burae n tiibu ae e buuru, e uraroo, ao e uraura; te rinen ae e tamaroa; buraen te kooti;

⁵kunin te tiibu mm'aane ae uraura; kunin te man ae e tamaroa; te kai ae te aketia;

⁶b'aan te oriwa i bukin te taura; b'ain kaboiararaan taian am'arake aika boiarara ae renganaki ma te b'a i bukin katabuan te auti n rianna ao katabuaia ibonga;

⁷ao taian atiibu aika oniki[54] i bukin te raburabu ao te ub'a.

⁸I tangiria naba ni karaoa te tabo ae e onoti are I konaa ni maeka iai i buakoia au aomata.

⁹Kam na karaoia ma b'aina nako n aron tamneina ae N na anganingkami.

¹⁰Ko na tuangiia aomata b'a a na karaoa te ati man te kai ae te aketia ae tebubua tebwina te tientemiita ab'akina, onobwi ma onoua te tientemiita raababana, ao onobwi ma onoua te tientemiita rietana.

¹¹Kabira nanona ma tinanikuna n te koora ae itiaki ao karaoa mataniwiina ae te koora ni katobibia matana.

¹²Karaoi m'aam'a koora aika aua ao kanim n tatabeua nako n rangan te ati ake aua.

¹³Karaoi boora aika uoua man te kai ae te aketia. Kabiri n taiani koora

¹⁴ao karin n taian m'am'a akekei, b'a e aonga ni konaa ni uouotaki n taian amo.

¹⁵Kam na aki kaakanakoi taian amo man taian m'am'a.

¹⁶Kam na karin Tuua ake Tebwiina ake a koreaki i aon taian atiibu i nanon te Atiniberita.

¹⁷Kabira matan te Atiniberita n te koora ae itiaki.

¹⁸Ko na karaoi uoman baika iai baiia ni kiba aika[55] koora ake amanaki.

¹⁹Ao i mwiina, kam na amani ni kanakoi baike a maiu aika iai baiia ni kiba ake a karaoaki n te koora ao kanim i aon matan te ati mai tabon te ati.

²⁰Karin i nanona atiibu ake uoua ake a m'akoro i aoia tuua ake tebwina ao katokaa matana te koora i aon te ati.

²¹Kaaki taian atiibu ake uoua i nanona ake a m'akoro i aon Tuua ake tebwina ao kaaki matana are te koora i aon te ati.

²²N na kaitibo ma ngkami ikekei[56] i marenaia maan ake uoman ao N na tuangko te b'ai ae a riai ni karaoia au aomata ao te b'ai ae a riai n aki karaoia.

²³Karaoa te taibora man te kai ae te aketia ae wanibwi ma mm'aane te tientemiita ab'akina, ao onobwi ma onoua te tientemiita rietana.

²⁴Kabiria n te koora ae itiaki ao karaoa mataniwiina ae te koora ni katobibia

²⁵ao mangeena ae itibwi ma nimaua te mirimiita raababana.[57]

²⁶Karaoi aua m'aam'a aika taiani koora ao kanim n tatabeua nako ma taian ranga

²⁷Taiani m'am'a ana riai ni kamatoai taian amo i bukin uotakin te taibora ao ni kaaki ni mataniwiina.

²⁸Karaoi taian amo man te kai ae te aketia ao ni kabiri n te koora.

²⁹A na bane taiani boora, raurau, tiaeki, ao m'angkon te wain i bukin taian angab'ai ni karaoaki n te koora ae itiaki,

³⁰E na riai ni kaawakinaki te taibora i nanon te tabo are e rangi n tabu, ao a na katokaaki naba i aona taian kariki.

³¹Karaoa kaintein te taura man te koora ae itiaki. Te kaintei ni kabane n reitaki ma katamaroana ake taian uee, a riai ni karaoaki man te koora ae ti teuana ae e amanaki

³²ao taiani m'aanga ake tenua n iterana ake uoua n tatabeua nako.

³³A na riai n reke tenua ueen te amon aika raure aika b'aai ni katamaroa i aon taiani m'aanga n tatabeua nako,

³⁴ao aua i aon aetona.

³⁵E na riai naba n iai taian uee aika raure i aon taiani m'aanga ake uoua ake a otinako man aetona.

³⁶E riai te kaintei, n reitaki ma m'aangana ao taian uee ake b'aai ni katamaroa, ni karaoaki man te koora ae itiaki ae ti teuana ae amanaki.

³⁷E na oota te taura are te kabanea mai i eta ao ake i aon tabon m'aanga ake itiua n tatabeua nako i moan te kaintei.

³⁸A na riai naba nen kaintaura ao tureen taian taura ni karaoaki man te koora ae itiaki.

³⁹E na kabaneaki i bukin karaoan te taura ma b'aina nako te m'aiti ni koora ae itiaki ae tenibwi ma nimaua te kirokuraem,

⁴⁰ao a na riai ni karaoia ni kaineti ma te tamnei are I kaotia nako im i aon te maunga.