Read Te B'aib'ara Te Otinako 28 Bible Online

Te Otinako 28 - Te B'aib'ara bible

Te Otinako 28

¹Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

²Ao e karaoa te kunnikai Aaron ae tamaroa ae kakannato i bukiia ibonga aika rietaata.

³E na riai ni katabuaki Aaron b'a te ibonga ae rietaata, ao a riai ni karaoaki kunnikaina ti irouia aomata aika iai irouia te konab'ai ae I a tia n anganiia.

⁴Aikai b'aai aika kainanoaki b'a a na karaoaki: te ub'a, te raburabu i bukin te ibonga, te niiniira, ae te kabaraaki ae katamaroaaki n te karai, te m'aita, ao te kabae n nuuka. E riai ni karaoaki te kunnikai ae e tabu aei i bukin Aaron ma natina mm'aane ake a na riki b'a taian ibonga.

⁵Bon ti te koora ao te riinen ae tamaroa ae e na kamanenaaki i bukin karaoan kunnikai aikai.

⁶E na karaoaki rab'atan te raburabu ni kabane man te riinen ae e tamaroa

⁷ae e karauaki raoi n rarangaaki man buraen te tiibu ae buru, uraro, ao ae uraura, ao e katamaroaaki n te koora.

⁸E na riai n iai kabaean te tabonnanga aika uaai aika kamatoaana ao te kabaea n nuuka are e na kabaeaki ma te korea.

⁹Kanim uoua taian oniki[59] aika a atiibu n aron tein te b'ai ni katamaroa te koora, ao kanim n tatabeua nako ma kabaean te anga.

¹⁰A na moan koreaki i aon atiibu aikai araia natin Iteraera ake mm'aane ake onoman ni karinanaki nakon aia tai ni bung.

¹¹Ao karaoa naba anne nakoia nikiran naati mm'aane ake onoman riki i aon taian atiibu ake tabeua.

¹²N te aro aei are e na uouoti iai araia barongan Iteraera Aaron ngkana e rin te tabo are e tabu, ao N na aki konaa ni m'aninga iai taekaia au aomata.

¹³Kanim b'ai ni katamaroa koora ake uoua ma kabaean te tabonanga

¹⁴ao kabaea naba ma tiein ake a biraki ake uoua aika koora aika itiaki.

¹⁵Karaoa naba te ub'a i bukiia ibonga aika a rietaata man te b'ai are e bobuaka anne. Anne te ub'a are a na kamanenaa i bukin kakaean nanou b'a tera ae I tangiria are a na karaoia au aomata.

¹⁶E na riai n uabwi ma uoua te tientemiita ab'akina ma raababana, ao e manga oteaki ni kataboroaki

¹⁷ma atiibu ake tenua aika tamaroa ma aua rinaniia: n te moan rinan te tarerio, te tobati, ao te kabangkoro;

¹⁸n te kaua rinan bon te timaraketo, tabeiro, ao te taiman;

¹⁹n te katen rinan bon te uakinto, te akete, ao te ametuteto;

²⁰ao n te kaa rinan bon te beruro, te oniki, ao te iatebi.[60] Katokai ao kanim atiibu akanne n tein te b'ai ni katamaroa ae te koora

²¹ao nib'ai araia barongan Iteraera ake tengaun ma uabaronga n tatabeua nako.

²²Kanim koora ake uoua

²³ma koonan te ub'a are mai moa i eta

²⁴ao kabaei taian tiein aika koora ma matau ake uoua

²⁵ma te b'ai ni katamaroa aika koora ake i aon kaon te tabonnanga.

²⁶Kanim taian m'am'a aika koora aika uoua ma koonana are i nanona mai nano are e kaan ma te raburabu

²⁷ao uoua riki i rarikin iteran kabaean te tabonnanga are mai nano, i etan te kabaea n nuuka.

²⁸Ao i mwiina, anaa te karai ae buru ao kabaea ma taian m'am'a ake mai nano ake i aon te ub'a ma taian m'am'a ake n te raburabu. Aio are e na kamatoa te ub'a b'a e na aki b'aka.

²⁹E na uouoti araia barongan Iteraera ake tengaun ma uabaronga Aaron aika a koreaki i nanona ni katoa te tai are e rin iai n te Tabo are e Tabu, ao N na bon aki konaa ni m'aninga iai taekan au botannaomata.

³⁰E na riai naba ni b'ain b'ai ake uoua ake a uarereke[61] i aon ana ub'a ake e kamanenai i bukin karekean te kaeka mairoun te Atua.

³¹E na riai Aaron ni b'aina te niiniira ae karaoaki man buraen te tiibu ae buru

³²ae iai b'angab'angana mai nuuka i bukin atuuna. Kakoaua raoi b'a a na bae raoi taian kunnikai ni katobibia te kaara b'a e kaawa n raaurenako.

³³Ituui taian bamkuranete, [62]

³⁴man te burae n tiibu aika buru, uraro, ao n uraura ao a kaaimarenaaki n taiani beero i mataniwiin te niiniira.

³⁵B'a ngkana e rin Aaron n te Tabo are Tabu ao e na b'ain kunnikai aikai b'a au ibonga ngaia ae rietaata, ao e na ongo te aba tangin taiani beero aikai, ao e na aki reke n te kabuanib'ai.

³⁶E nib'aaki ao e koreaki i aon te koora ae itiaki ae irariki te taeka ae kaangai, “Ana b'ai te UEA”.

³⁷E na kabaeaki i matan ana m'aita Aaron ae karaoaki n te karai ae buru,

³⁸b'a e aonga ni konaa ni katokaa i aon ram'ana. E kaotaki n aei b'a e na katokaa i aona aia bure nako Iteraera ake a tia ni karaoi n aia tai n anga b'aintangira nako Iu, ao N na kab'arai aia bure iai.

³⁹Karaoa niiniiran Aaron ma ana m'aita man te riinen ae tamaroa ao ni katamaroaa ana kabae n nuuka n te korooti ae tamaroa.

⁴⁰Ngkai bon taian ibonga naba natin Aaron mm'aane, ao a bon riai naba n nooraki b'a a bane nanoia iai. Ma ngaia are, e riai naba ni karaoaki niiniiraia, kabaean nuukaia, ao b'araia ae e kaokoro bon i bukiia.

⁴¹Ao i mwiina, kam na karin kunnikaiia Aaron ma natina mm'aane, ao kab'aroa te b'aa i aon atuuia, ao katabuia b'a au ibonga.

⁴²Karaoa aia kawaerake man te riinen ae kororo b'a man koreaia nakon toan rangaia, b'a a aonga n raba rab'ataia.

⁴³A na riai ni karin aia kawaerake kororo aikai, ngkana a rin n te Um'antabunrianna ke ni m'akuri n te baonikarea ngkana a rin n te Tabo are e Tabu, b'a a kaawa n reke n te bure ao a mate. E na b'ainaki naba te tua aei nakoia aia kariki nako akana a m'akuri b'a ibonga ngaiia.