Read Te B'aib'ara Te Otinako 38 Bible Online

Te Otinako 38 - Te B'aib'ara bible

Te Otinako 38

¹Ao e karaoa te baonikarea Betarera man te kai ae te aketia i bukin te angakarea. Ao buburana bon uoua te miita raababana ma ab'akina ae tenua te miita rietana

²ma koonana aika a rine rake kaanga koron te kaomm'aane, ao e rabunaki ni kabane rab'atana n te buraonti.

³A karaoaki b'ain nako te baonikarea n te buraonti—te baan i bukin te mannang aika a kabuebue, taian tiabora, waiteken te irikoniman, ao baanin te ai.

⁴E karaoa riin te baonikarea ni katobibia te baonikarea i nuukan tabona mai eta ma oina, ao katamaroaana te warawara ae te buraonti.

⁵Ao i mwiina, e kanim'a te m'am'a te buraonti i aan te rii are n taian koona ake aua i bukin karinakin taian amo.

⁶E kabiri taian amo ake uoua ake taian aketia n te buraonti ao

⁷e karin i nanon taian m'am'a i bukin amoakin te baonikarea, are tein te b'aoki ae e uki.

⁸Ao e karaoa naba te boora te buraonti ae e buubura ao te kaintei man te buraonti aia tirotaam aine ake a buobuoki ni mataroan te Um'antabunrianna.

⁹Ao e karaoa te katawanang Betarera i tinanikun te Um'antabunrianna

¹⁰ae abwi ma aua te miita ab'akina i maiaki ao i meaang ao uabwi ma uoua te miita raababana i mainiku ao maeao.

¹¹E kamanenai uabwi boua buraonti n uniki i aon kaintei buraonti i bukin maiaki ao meaang ao tebwina i bukin maeao.

¹²Ao i mwiina, e katinei keeten aika riinen aika a tamaroa aikai i aon boua ake n itera aika tenua aikai,

¹³ao e kamanenai taian uki ake taian tirewa ao taian biti.

¹⁴E katei tenua boua buraonti i aon iteran nako keetenin te mataroa

¹⁵n rin are i mainiku n tatabeua nako,

¹⁶ao e katinea te keeten ae 6.67

¹⁷te miita raababana i aon teuana teb'ab'ati ni boua.

¹⁸E karaoa naba mataroan te katawanang Betarera, e karaoa te keeten ae ruaiwa te miita ab'akina, ao e katinea i aon taian boua aika a aai aika a tei i aon taian kai n tei aika buraonti.

¹⁹Ti te bo rietan te keeten aei ma ake n taian katawanang ni kabane ao a karaoaki n te riinen ae e tamaroa ao e korotinaki ao e rarangaaki n te buraentiibu ae e buru, ao ae uraro, ao e uraura. E katinea te keeten i aon taian boua aika aai, ao e kamanenai taian uki tirewa ao taian biti.

²⁰A karaoaki taian beke i bukin te auti n rianna ao i bukin taian keeten ake a katobibia te auti n rianna n te buraonti.

²¹E kaai ni m'am'akuri Betarera ma Ooriaba,[90]

²²are bon te tia korotamnei ao te tia koroboki n te unika, ao te tia korooti n buraen te tiibu ae e buru, ae uraro, ao ae e uraura. A kaai ni katiaa raoi te m'akuri are e mwiokoia iai te UEA.

²³Ao Moote, e angan natin Aaron te mm'aane are Itamara tauan mwiin taian biti ake a kamanenaaki i bukin Um'antabunrianna.

²⁴N aron te kainibaaire n te rawaawata ae b'ainaki, m'aitin te koora are e anga te aba bon teuana te ngaa te kirokuraem,

²⁵ao bootan m'aitin te tirewa are e rikoaki ngke e warekaki m'aitiia aomata bon [91] 3,430 te kirokuraem

²⁶A bane ni kab'aka te m'aiti ae e tangiraki aomata nako ake a warekaki, ao bootan m'aitiia mm'aane bon 603,550 aika e raka aia ririki i aon uabwi.

²⁷E kamanenaaki tenibwi ma aua te kirokuraem te tirewa i bukin karaoan tebubua taian kai n tei nako i bukin te Um'antabunrianna ma keetenna.

²⁸Ao te nikira are tenibwi te kirokuraem te tirewa a kamanenaaki i bukin taian uki ao kaibiti ao i bukin naba rabunan tabon taian boua mai i eta.

²⁹E anga te aba uoua te ngaa abubua uabwi ma nimaua te kirokuraem te buraonti.

³⁰Ao e kamanenaaki i bukin karaoan taian kai n tei i bukin te mataroa n rin nakon te Um'antabunrianna, te baonikarea ma warawarana, b'ain nako te baonikarea,

³¹taiani kaintei n taian boua ake a katobibia te katawanang n reitaki ma ake n te mataroa n rin nakon te katawanang, beken te auti n rianna ao te katawanang.