Read Te B'aib'ara Te Otinako 7 Bible Online

Te Otinako 7 - Te B'aib'ara bible

Te Otinako 7

¹E taku te UEA: N na karaoa tarim are Aaron b'a e na taetae i bukim. E na taekin am rongorongo nakon te uea, kaanga ai aron te burabeti ae e taekina Au taeka nako ia aomata.

²Ko na tuanga Aaron b'aai nako aika I taekin nako im, ao e na tuanga te uea b'a e na kanakoia Au aomata man abana.

³Ma N na karaoa te uea b'a e na taningamatoa n te aro ae e na aki kan ongo. E na bon aki ongo naba ngkana I karaoi b'aai aika a kakamaaku nako ina ma ana botannaomata.

⁴Ao i mwiina, N na karokoa te kabanea ni katuaaeaki i aon Aikubita, ao ane e na kanakoia utuun Iteraera ma aia baronga nako.

⁵A na ataia kaain Aikubita b'a te UEA Ngai ngkana e riki aei.

⁶A ongotaeka Aaron ma Moote

⁷ao a taetae nakon te uea. N te tai anne, ai wanibwi ana ririki ni maiu Moote ao Aaron wanibwi ma tenua.

⁸E taku te UEA nakon Moote ma Aaron,

⁹“Kam na karaoa te kakai ngkana e kaangai B'arao nako imi karaoa te kakai ao ko na kaangai nakon Aaron, ‘Anaa okom ao karenakoa nako aontano i matan B'arao ao ane e na riki b'a te naeta.’ ”

¹⁰Ao a nako Moote ma Aaron nakon te uea ma ana mataniwi ao a karaoi b'aai ni kabane ake E a tia n tuangiia te UEA; E karenakoa okona Aaron nako aontano ao e riki b'a te naeta.

¹¹Ao i mwiina, e manga weteia mm'aane aika taan rabakau ao taan tabunea te uea, ao a karaoi m'aakaia ni karaoa naba te aekaki arei.

¹²A manga karenakoi naba taian kai ao a manga riki naba n naeta. Ma te naeta are ana naeta Aaron, e a manga kab'auti aia naeta.

¹³Ao e taningamatoa te uea n aron are E taku te UEA ao e aki kan ongo.

¹⁴E taku te UEA nakon Moote: E taningamatoa uean Aikubita ao e rawa ni bita ana iango ma ni kanakoia aomata.

¹⁵Nakon te ingabong ko na uota okom are e riki n naeta, ao ko na tataninga te uea i rarikin te Karaanga are te Naire.

¹⁶Ko na tuangnga ni kaangai, “E kanakoai te UEA ae Atuaia Ebera b'a N na tuangko b'a ko na kanakoia Ana aomata, b'a aonga ni konaa n taromauriia n te rereua. Ma ko tuai man ongo ni karokoa te tai aei.”

¹⁷“E nang karaoa te b'ai teuana te UEA ni kaotia b'a bon te UEA Ngaia. N na orea te Naire n te oko aei, ao e na onikaki te ran nakon te raraa.”

¹⁸A na mate taiani ika, e na m'aung te karaanga, ao akea mai buakomi ngkami aika kaain Aikubita ae na konaa n nima ranna.”

¹⁹Ao e tuanga Aaron Moote b'a e na taua okona i aon te ran. Ao ngke e karaoa arei, ao e a bane naba ni bitaki ranin Aikubita ni kabane nakon te raraa, n reitaki ma taian karaanga ni kabane, taiani kanare, taian nei, ao taian ran naba ake i nanon taiani b'aketi ma taian tiaeki.

²⁰Ao a ongotaeka Moote ma Aaron iroun te UEA. E taua okona Aaron, ao i mwiina, e orea iai te Naire, ngke a bon mataku te uea ma ana mataniwi nako. Ao e onikaki te karaanga nakon te raraa,

²¹e mate te ika, ao e a rangi ni boiraa te ran n te aro are bon akea temanna kaain Aikubita ae konaa n nimma. E a kabuta aon Aikubita te raraa.

²²Ma a kamanenaa m'aakaia taan tabunea i Aikubita ni karaoa te aekaki naba arei. Ao te uea e bon karaoa raoi are e taekinna te UEA are e rangi n taningamatoa n rawa n ongo.

²³Ao i mwiina, e okira ana bareti ao e aki roko n te anga ana kauoua n iango.

²⁴Ao a keniken kaain Aikubita i mataniwiin te Naire ni kakaaea nimaia te ran, b'a e a aki raoiroi n te nimaki.

²⁵Itiua te bong i mwiin orean te karaanga are te Naire iroun te UEA,