Read Te B'aib'ara Iobi 14 Bible Online

Iobi 14 - Te B'aib'ara bible

Iobi 14

¹Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

²Ti rikirake n ai aron te uee, ao ti a manga rai ma ni mauna nako. Ti waekoa ni mauna n ai aron te nu ma n aki manga kaoti.

³Te Atua, Ko kona ni kabanea am tai n tarataraira, ni kateira n te kabowi, ma ni motiki taekara?

⁴Bon akea te raoiroi ae kona n otinako man te b'ai ae kam'ara n aron te aomata.

⁵A kaman baaireaki ara bong ni maiu, ao e mena ara tai i Rouna, ao E a tia ni baairea are ti na aki kona n ri aona.

⁶Tannako mairoura, katikuira n ti ngaira, b'a e aonga n reke teutana kukureira, ngkai ti mena i nanon kangaanga aikai.

⁷Boni iai te kantaninga n te aroka ngkana e koreaki b'a e na manga bwebwerake, ao b'a a na manga tiinako taberana aika boou ni waakina te maiu.

⁸E ngae ngke a rangi ni maan wakaana i aantano, ao e a mate botona i nanon te tano.

⁹Ma a na teberake taian tabera ngkana a bo ma te ran. E na katinakoi m'aangana n ai aron te aroka ae a tib'a bwebwerake.

¹⁰Ma ana bane ni mate aomata, ao bon anne tokiia; a mate, ao a manga ngaa ngkanne?

¹¹Ti mate, ao ti aki manga teirake n aron taian karaanga ngkana a toki raangaia,

¹²ao taian nei ngkana a m'auteretere. Ti aki manga maiu ni karokoa e toki karawa, ao ti aki manga kaurei matara mani matuura.

¹³Tera ngke Ko karabaai i abaia maate, are Ko na karabaai iai ni karokoa tokin unim, ma ni manga karekea te bong teuana are Ko na manga uringai iai ikekei.

¹⁴E kona ni manga maiu te aomata ngkana e a mate? N na tataningai boong aika raoiroi, boong ake a na toki iai kangaanga aikai.

¹⁵Ao ane Ko na wewete ao N na tou, ao Ko na kukurei i rou, ngai ae kanoan Ana karikib'ai baim.

¹⁶Ao ane ko na taratarai nakonakou, ao Ko na aki manga warewareki m'aitin au bure.

¹⁷A na bane ni kainaki tibanakou ni kabane, ao ni m'aninga au kaairua ni kabane.

¹⁸Ma a na b'aka maunga ma ni mauna nako, ao a na uruaki taiani b'a.

¹⁹E kamm'anakoa te atiibu te ran, ao e uotaki nako te tano n te raanga, ai arom naba anne te Atua ngkana Ko urua au kaantaninga, akea bonganau ni maiu.

²⁰Ko kataea ana kai temanna, ao ko kanakoa n aki manga oki; ao ko bita matana nakon te mate.

²¹E ngae ngkana e a manga reke te karineaki i rouia natiia m'aane, ao bon akea naba te b'ai ae ataia ke ni kakeaki karineaia.

²²Ti bon ti namakina marakin oin rab'atara, ao ti tang bon i bukira.