Read Te B'aib'ara Iobi 20 Bible Online

Iobi 20 - Te B'aib'ara bible

Iobi 20

¹Ao e taku Toob'a, [21]

²Iobi, E aki rau nanou n am taeka, ma ngaia ae N nang bon kaekako.

³Ko kabuakakaai n am taeka ni kawai, ma I atai kaboan am karaki.

⁴Ko bon ataia b'a n taai ake ngkoa ngke E moan karika te aomata te Atua i aonnaba,

⁵ao bon akea te aomata ae buakaka ae e kukurei n te tai ae maan.

⁶E ngae ngke e roota karawa m'aakana ma kainikatongana,

⁷ma e na ukaki nako n ai aron te bubu. Koraki ake a rangi n tataneiai ma ngaia ngkoa, a na mimi b'a e ti bua nako naba.

⁸E na bua n ai aron te mii, kaanga te mii ae kakamaaku n te tairiki, ao e na aki manga oki n nooraki.

⁹E na bua man te tabo are e bon mamaeka iai ngkoa.

¹⁰Ao natina a na kaoki baike e kimoai tamaia mai rouia aika kainano.

¹¹E taneiai ni marurung rab'atana ngkoa ma ni maiureirei, ma n te tai ae aki maan, ao e na oneaki rab'atana nakon te bubu.

¹²E rangi ni kangkang i wiina te buakaka,

¹³n te aro are e karin i wiina tabeua ni kanreeni.

¹⁴Ma e a manga bitaki nakon te b'ai ae maai te am'arake are i nanon wiina, kanga ai aron maain te b'ai ae kamamate.

¹⁵Ma E na karekea te anga te Atua are a na bua iai taiani kaub'ai ake e kimoai.

¹⁶A na mate ni boitinin te naeta ae kamamate.

¹⁷E na aki maiu ma n noori karaangan b'aan te oriwa, ke taian raanga n ran ake e raanga iai te miriki ma ana karewe te manibeeru

¹⁸E riai ni kaoki b'aai ni kabane ake a tia n reke i rouna i m'aain ae na kamanenai; e na bon aki reke te kukurei i rouna man b'aai akana e a tia ni karekei.

¹⁹I bukina b'a a karawawataia aomata ma n aki m'annanoia aika kainano, ao a taui aia auti aomata.

²⁰E aki kona ni ngae nanona ni mataai.

²¹Akea nikiran te am'arake ngkana e am'arake; ma n te tai aei ao e a roko n tokina kaub'aina.

²²Ane a na manga rabunna ana b'aikoraki, ao ane e na taonaki n taian karawawata.

²³Ke e kang b'aai nako akana e kani kang! Ane e na bononnanoia te Atua ni katuaaea n aron te am'arake are e kanna.

²⁴Ngkana e kataia ni biri nako n rawea maiuna man te kabaang are te biti, ao e na manga teke ma ni b'aka n te kaini katebe are te buraati.

²⁵E na rinnako te kainikatebe i nanon rab'atana. E na ewaranako te ato ma n otinako taran te kainikatebe mai akuuna, ao e na roko i rouna te maaku ae korakora.

²⁶A bane ni kamaunaaki taiani kaub'ai ake e kaawakin; a na kabuokaki ma ana utu n te ai ae aki kauraaki i roun te aomata.

²⁷E kaotaki ana bure te aomata i roun karawa, ao e kakoaua naba ana bure i roun te aonnaba.

²⁸A na bane ni kamaunaaki kaub'aina ni korakoran unin te Atua.

²⁹Bon aei tokiia aomata aika buakaka, tokiia are E a tia te Atua ni kataua i bukiia.