Read Te B'aib'ara Iobi 32 Bible Online

Iobi 32 - Te B'aib'ara bible

Iobi 32

¹Ma ngaia are, a toki ni kaekaekaa Iobi m'aane ake teniman, i bukina ngke e taku Iobi b'a e bon eti, ao akea ana bure.

²Ma e a aki kona n taotaona nanona temanna te aomata ae mena i rarikiia ae arana Eriu i roun Iobi ngke e kaeta are i bon i rouna, ao e bukina te Atua. (Eriu bon natin B'arakera, man te baronga are Buti, ao kain te kaainga are Ram)

³E un naba i roun raon Iobi ake teniman b'a a aki kona ni kabooi ana taeka Iobi, ao bon aei are e riki n tara ni bure iai te Atua.

⁴E tataninga moa banen aia taetae aomata akekei Eriu i bukina ngke boni ngaia te kabanea ni uarereke i buakoia.

⁵Ao ngke e nooriia b'a aki kona ni kaekaa Iobi m'aane ake teniman akekei, ao e rangi n un,

⁶ai ngaia are e a moana taetaena. I uarereke, ao ngkami kam a kara, ma ngaia are, I maaku n tuangkami baika I atai.

⁷I tataku ngkoa i nanou, b'a a wanawana riki unim'aane.

⁸Ma e mena tamnein te Atua ae m'aaka i nanon te aomata ae E ikeike, ao E angan te aomata te rabakau.

⁹Ao bon tiaki te riki ni kara ae kawanawana te aomata, ke ni buokia b'a e na ata te raoiroi.

¹⁰Ma ngaia are, kam na ongora i Rou; Kariaia b'a N na tuangkami baika I atai.

¹¹Nooria I kakauongo raoi ngke Kam tabe n taetae, ao I tataningaiko ngke kam kakaei ami taeka n rabakau.

¹²I rangi n anga taningau nako imi ao kam bane ni kaairua, b'a kam taku b'a e aki bure Iobi.

¹³Kam na kanga n taekinna b'a kam a tia ni kunea te rabakau? E riai ni kaeka Iobi te Atua, ma kam aki kona.

¹⁴E taetae Iobi nako imi, ao tiaki nako Iu, ao I bon aki kona ni kaeka n aron ane kam karaoia.

¹⁵Iobi, bon akea riki aia taeka raoraom aikai nako im; akea riki te b'ai ae a na kona n kaekako iai.

¹⁶E koaua b'a N nang bon tataninga nako naba ngkana aikoa kakarongoa? A tei ikekei n akea te b'ai ae a kona ni manga taekinna riki.

¹⁷E a tau ma N nang anga au kaeka n te tai aei, ma n tuangko baika i nanou.

¹⁸I a kainano n tataninga te tai are N na taetae iai, e a aki kona n tautaua wiiu.

¹⁹Ngkana e aki kona n reke au tai n taetae, ao N na tabwenaua n ai aron te kunniman ae nnen te wain ngkana e onrake n te wain ae boou.

²⁰I aki kona n taotaona riki nanou, N nang riai n taetae.

²¹Akea ae N na tei i bukina n te kauntaeka aei; akea ae N na aki anaa nanon temanna n te kauntaeka aio.

²²I babanga n anaa nanon temanna, E na bon katuaaeai te Atua ngkana I karaoa aei.