Read Te B'aib'ara Iobi 35 Bible Online

Iobi 35 - Te B'aib'ara bible

Iobi 35

²Iobi, e riai i roum b'a ko na taetae b'a aongkoa akea am bure i matan te Atua?[24]

³Tera ae I a tia ni karekea ngke I aki bure?

⁴N nang kaekako ma raoraom naba akanne.

⁵Tara karawa! Noori rietaatan taian nang!

⁶Ngkana ko bure ao bon akea te b'ai ae rootaki iai te Atua, ao ngkana a m'aiti am tai ni karaoa te kaairua, tera ae na riingaki iai?

⁷Ko buoka te Atua ngkana ko rangi n raoiroi? Bon akea te b'ai ae kainanoia te Atua mai roum.

⁸E bon rawawata raom n aomata n am bure, ao te raoiroi ae ko karaoia, e na bon buokaki naba iai raom n aomata.

⁹Ngkana a karawawataaki aomata, a ngirangira; ao a tangira temanna b'a e na buokiia.

¹⁰Ma aki rairaki nakon te Atua are te Tia karikiia, are boni Ngaia ae anganiia te kaantaninga i nanon aia aoa aika rotongitong.

¹¹A aki rairaki nakon te Atua, ae karaoira b'a ti na wanawana riki nako ia manin aonteaba, ma mannikiba aika wanawana.

¹²A tangira buokaia ma E aki kaekaia te Atua i bukina b'a a kainikatonga, ao bon aomata ngaiia aika buakaka.

¹³Bon akea uaan tangiia, E bon aki nooriia, ke n ongo b'anaaia te Atua ae m'aaka.

¹⁴Iobi, ko taekinna b'a ko aki kona n noora te Atua, ma tataninga ma te rau-ane E na rinanoi am kangaanga.

¹⁵Ko taku n am iango b'a E aki kakatuaa te Atua, ao E aki tabe ma te tia bure?

¹⁶Bon akea uaan ae ko na teimatoa n taetae; e teretere raoi b'a ko aki ata te b'ai ae ko taekinna.