Read Te B'aib'ara Iobi 42 Bible Online

Iobi 42 - Te B'aib'ara bible

Iobi 42

¹Ao e kaeka Iobi nakon te UEA,

²I ataia te UEA b'a Ko bon rangi ni m'aaka n te aro are Ko boni karaoi b'aai ni kabane ake Ko tangiri ni kan karaoi.

³Ko titiraki b'a I kangaa n aki onimakina rabakaum ngke bon te nanobaba Ngai. I taekini b'aai aika I aki atai aroia, b'aai aika a rangi ni kamimii i Rou, aika I aki kona n atai aroia.

⁴Ko tuangai b'a N na kakauongo ngke Ko tabe n taetae ao N na kataia ni kaekai am titiraki.

⁵Ngkoa, I ti atai baika I kaongoaki mai rouia aomata tabem'aang i bukim, ma ngkai, I a tia n nooriko ni matau.

⁶Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

⁷Ao i mwiin banen Ana taetae te Atua nakon Iobi, ao E taku nakon Eribati, “E maraki nanou i roum ma raoraom ake uoman, i bukina b'a kam aki taekina te koaua i buku n aron are e karaoia naba Iobi.

⁸Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

⁹Ao Eribati, Biretata, ao Toob'a, a karaoa te b'ai are E tuangiia te UEA, ao E kaeka ana tataro Iobi te UEA.

¹⁰Ao i mwiin ana tataro Iobi i bukiia raoraona ake teniman, ao E a manga kakab'aia Iobi te UEA, ao E a manga anganna uoua te tai okiokin ana b'ai ake mai m'aaina.

¹¹Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

¹²Ao E kakab'aia nikirani maiun Iobi te UEA nakon bongin maiuna are rimoa. Ao E b'aini 10,000 te tiibu Iobi, ma 6,000 te kamero, ma 2,000 te kao, ao 1,000 te aati.

¹³Ao e a manga reke natina aika itiman m'aane, ao teniman aine.

¹⁴E arana natina te aine are te karimoa b'a, Iemim'a, te kauoman b'a Ketia, ao te bina b'a Kirenabuka.

¹⁵Ao bon akea te aine temanna n te aonnaba ae botonaine riki nako ia natin Iobi. Ao Iobi e karikiia b'a taan b'aib'ai n ana b'ai i rarikiia m'aneia.

¹⁶Ao e maiu Iobi 140 te ririki i mwiin aei. E kauiaia tibuna Iobi, ma tibutoruna

¹⁷ao i mwiina, e a mate ngke e a bon rangi ni kara.