Read Te B'aib'ara Iobi 5 Bible Online

Iobi 5 - Te B'aib'ara bible

Iobi 5

¹E wewete Iobi, ni kakaea buokana ao nooria b'a iai te anera ae roko!

²Te nanobaba ma te bakantang e na boni kona n tiringko iai.

³I a tia n nooria aomata aika nanobaba b'a a buuti wakaaia ma te Atua e karokoa te maraia, ao e rina koutiarake

⁴ao ni katikuia natiia n akea ae kani kamaiuia i nanon taian kabowi.

⁵A na kanaki uaan arokaia aomata aika nanobaba irouia aomata aika bora ni baki a na kang naba taian uaani kai aika uangingi i buakon kateketeke[9] ao aika borantaka ana mataiakina kaub'aina.

⁶E aki bwebwerake te buakaka mai nanon te bon, ao e aki rikirake naba man te tano.

⁷E bon aki! E bon karika te kangaanga te aomata i bon i rouna, kaanga ai aron te m'aakaro n ai ae e kibanako mai nanon te ai.[10]

⁸Ngke tao arona b'a Ngai ngkoe, ao N na rairaki nakon te Atua ma n uotirake kaetan taekau i matana.

⁹Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

¹⁰E kanakoa te karau nako aonteaba, ao E teboki taian tawaana.

¹¹Eng, bon te Atua ae kateirakea te aomata ae nanorinano, ao E kakukureia aika tangi ni wenei ni kabane.

¹²E aki kakoroi bukin aia babaire aomata aika taan minotiia aomata,

¹³ao E karaoia aomata aika rabakau b'a a na m'ane ni bon oin aia babaire n te aro are e aki koro bukin te b'ai teuana ae a karaoia;

¹⁴e ngae ngke te tawanou, ma a na kakaae nako baiia n te rootongitong

¹⁵Ma E kamaiuia aomata aika kainano te Atua man te mate; E kamaiuia aika kainano man te karawawataaki.

¹⁶E anga te kaniwanga nako ia aika akea aia b'ai, ao E katoki karongoaaia aika buakaka.

¹⁷E na kukurei te aomata ae kaetaki arona i roun te Atua! Tai kauna nanom ngkana E boaiko.

¹⁸E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

¹⁹E na kamaiuko te Atua man te b'ai ae kamamate n te tai teuana ma teuana.

²⁰E na kamaiuko ngkana e roko te rongo, ao e na kawakiniko man te mate ngkana e roko te bo ni buaka.

²¹E na kamaiuko te Atua man taian taeka ni kabuakaka E na kamaiuko ngkana e roko te urub'ai.

²²Ane ko na ngare n tain te kangaanga ma te baki, ao ko na aki maakui maan aika tiritiri.

²³Ane a na akea atiibun te tawaana ae ko kamaraua aona; ao a na akea maan aika tiritiri aika na roko n aki karauko.

²⁴Ao i mwiina, ko na maiu ma te rau i nanon am auti n rianna, ao ngkana ko taraia am tiibu, ao ko na nooria b'a a na mano man taian kangaanga.

²⁵Ao ane a na reke natim aika m'aiti ae kaanga ai aron bwebwen te uteute n te tawaana.

²⁶Kaanga ai aron te uita ae tai raoi n tain te tai, ao ai arom naba b'a ane ko na maiu ni karokoa rokom raoi n am bong ni kara.

²⁷Iobi, aio te koaua ae tia a tia ni kakaaea n te tai ae rangi ni maan. Bon te koaua raoi, ma ngaia are, ko riai ni kakoaua.