Read Te B'aib'ara Taian Areru 108 Bible Online

Taian Areru 108 - Te B'aib'ara bible

Taian Areru 108

¹(Te Anene, ae Ana Areru Tawita) Te Atua, e teimatoa nanou; N na anene, ao n na katituaraoiko! Uti, tamneiu!

²N na moana katangan au aabi ma au raea! N na kauta taai.

³Te UEA, N na katituaraoiko i buakoia botannaomata, Ao N na anenea karaoiroam i buakoia aomata.

⁴B'a e rota ae rietaata riki nakoni karawa am Atataiaomata, ao e roti naang am Kakaonimaki.

⁵Te Atua, Ko na karineaki i etani karawa! Ao e na mena mimitongim i aonnaba ni bane.

⁶Kamaiura ni m'aakam, ao ongo i roura: B'a a aonga ni kamaiuaki aika tangiraki iroum.

⁷E a tia n taetae te Atua man ana Tembora ni kaangai, “N au tokanikai ao N na tib'a Tekem ao N na tib'atib'a nanon te m'arua are Tukota n anga nako.

⁸Bon abau Kireata, ao Manate naba; b'aini kamanoan atuu Eberaim, Ao Iuta boni kanikinaean m'akau n uea.

⁹Bon au beetin n uaati Moaaba, ao I kare nako au kauniwae nako Etom, b'a kaotan ae I a abanna. N na keekee ni kaota ae I tokanikai i aoia I-Biritia.

¹⁰Ai antai ae na kairai nakon te kaawa are nonoaki? Ai antai ae na kairai nako Etom?

¹¹Te Atua, Ko a rawa iroura? Ko a aikoa kan airi ma ara taanga ni buaka?

¹²Buokira n ara tai n aitara ma aiara; b'a akea manenani buokara mairoun te aomata.

¹³Ngkana raora te Atua ao ti na tokanikai; Boni Ngaia ae na kataea aia kai aiara.