Read Te B'aib'ara Taian Areru 138 Bible Online

Taian Areru 138 - Te B'aib'ara bible

Taian Areru 138

¹Te UEA, I katituaraoiko ma nanou ni koaua; I anene n neboiko i mataia atua.

²I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

³Ngke I weteiko, ao Ko ongo irou; Ko kakorakoraai ni korakoram.

⁴Te UEA, a na bane uea i aonnaba n neboiko, b'a a tia n ongo taekan am berita.

⁵A na anenei taekani baika Ko a tia ni karaoi, ma taekani mimitongim ae kamimii.

⁶Ko boni ngae ni mena i eta ike rietaata, ma Ko bon tabeakiniia naba akana nanorinano, Ao a aki kona n raba mairoum akana kainikatonga.

⁷Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

⁸Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.