Read Te B'aib'ara Taian Areru 16 Bible Online

Taian Areru 16 - Te B'aib'ara bible

Taian Areru 16

¹(Te Areru ae okoro mairoun Tawita) Te Atua, ko na kamaiuai! I biri nakoim b'a I onimakiniko

²I taku nakon te UEA, “Bon tii Ngkoe au UEA! B'aai ni kabane aika reke irou bon am b'aintangira nako iu.”

³Ai raoiroira aroia am aomata te UEA aika kakaonimaki! Bon kakatongau irouia n tainako.

⁴Ma uake a taromauriia riki anti tabeman ana bon kabatiaki rawawataia N na bon aki ira buakon aia angakarea; N na bon aki taromauriia atuaia.

⁵Bon te UEA ngkoe, ae au b'ai ni kabane! ao ko anganai b'aai ni kabane aika i kainanoi; e bon mena arou i bukin taai aika ana roko i nanon baim

⁶Ai tamaroara aron am b'aintangira nako iu a bane n raoiroi aroia ni kabane;

⁷I neboa te UEA b'a E kairiirai, E kakauringai n te tairiki n ootan nanou.

⁸I tangira te UEA b'a E na mena i rarikiu n taai nako; E kaan i rarikiu, ao akea te b'ai teuana ae e konaa ni ioioai.

⁹Ao I rangi ni kakaaitau ma ni kukurei, b'a I rangi ni mano raoi,

¹⁰i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

¹¹Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.