Read Te B'aib'ara Taian Areru 17 Bible Online

Taian Areru 17 - Te B'aib'ara bible

Taian Areru 17

¹(Ana Tataro Tawita) Te UEA, ko na ongora au bubuti i bukin am motikitaeka ae eti Anga taningam nakoni b'anaau ni kani buokaki! ae nako mai nanou ni koaua.

²E na oti nako mairoum motikan taekau ae e raoiroi, B'a kioina ngkai Ko ataa te eti.

³Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

⁴Tiaki n ai aroia tem'angina; I a tia n ongeaba nakon am Taeka, Ao I aki katotoong aroia aomata aika iowawa.

⁵I a tia n taai nako n iririko n toua kawaim ao I tuai man tibanako mai iai.

⁶Te Atua, I tataro nakoim, b'a ane ko na bon ongo irou; Ma ngaia ae tanimai moa, ao ongora n au taeka.

⁷Kaota am Tangira ae kamimii, Ngkoe ae te tia kamaiu nakoia aika kataniia i rarikim mairouia aiaia!

⁸Kawakinai n ai aroni kawakinan ataeini matam; karabaai i aan nuuni baim ni kiba.

⁹mairouia akana buakaka. A otab'aniniai taan ribaai aika kamaamate

¹⁰Akea aia nanoanga, ao a tataetae ni kainikatonga.

¹¹A otab'aniniai ngkai taan ribaai; Ao n taratara aia tai ae a na boa ketau iai i aontano.

¹²Kanga ai aroia raian aika baki ni kakaea kanaia, ke raian aika uarereke aika karabaia ni kan ewekii konaia n raebitii.

¹³Karaoa ae ko taku te UEA! Ao kataenikaia. Kamaiuai mairouia aomata aika buakaka n am Kabaang.

¹⁴Kabongana baim ae m'aaka ni kamaiuai iai mai nanoni baiia aomata aika reke irouia b'aai ni kabane aika tangiri n te maiu aei. Ko kareke kanaia ake Ko tangiriia. A bati n reke irouia natiia, Ao a na bati riki n reke nakoia tibuia i aoni m'aitin are e tau i bukiia.

¹⁵Ao ngai, ae N na noriko, b'a akea au bure ae I karaoia; N na kukurei n norani buram ngkana I uti.