Read Te B'aib'ara Taian Areru 2 Bible Online

Taian Areru 2 - Te B'aib'ara bible

Taian Areru 2

¹A aera botannaomata ngkai a kiriwe? A aera aia aomata ngkai a karaoi babaire aika akea bonganaia?

²A bootaki uean aonnaba n eekaanako te UEA ma ana King are E rineia.

³Ao a kaangai, “Ti na motikii roobu ao ti na kainaomataira!”

⁴E na ngarengare te Uea are tekateka i aon ana kaintokanuea i karawa, ni b'ainingareia botannaomata.

⁵E na taetae n un nakoia ao E na kakamakuia n unna, ngkai E kaangai,

⁶“I a tia ni kamaekaa au king i Tion, are au Maunga are Tabu.”

⁷N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

⁸Ko na butiai i bukiia botannaomata ni kabaneia i aonnaba, ao N na anganiko ni kabaneia.

⁹Ko na tiriboia n te oko ae te biti ao ni ibeibeia kanga ai aron te m'angko ae te tano.”

¹⁰Kam na wanawana ni kabane, ngkami taan tautaeka, ao kaakauongo raoi.

¹¹Kam na toro iroun te UEA ao karinea; ao kim'areirei ma te ruru.

¹²Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.