Read Te B'aib'ara Taian Areru 21 Bible Online

Taian Areru 21 - Te B'aib'ara bible

Taian Areru 21

¹(Te areru mairoun Tawita i bukin te tia kaira te katangitang.) Te UEA, e kukurei te king i bukina ngke Ko anganna te korakora ao e kakatonga b'a e tokanikai i aoia aiana.

²Ko a tia n anganna te baere e tangiria nanona; Ko a tia n anganna baike e bubutiko iai.

³Ko butim'aia ma kakab'aiana aika baika raraoi, Ao Ko katokaa ana baunuea ae te koora i aon atuna.

⁴E butiko te maiu, ao Ko anganna ae ananau ae akea tokina.

⁵E rangi ni karineaki te uea; Ko a tia ni buokia b'a e na kakannato taekana ma ni mimitong.

⁶Ko kakab'aiaa n taai nako, ao e kaonaki n te kukurei ni memenam i rarikina.

⁷E onimakina te UEA ae Moan te M'aaka te uea; Ao e na tekateka n rau i bukina b'a e tangiraki iroun te UEA.

⁸Ane a na bane n reke i rouna ana kairiribai; A na reke i rouna aomata nako akana ribaia.

⁹Ngkana E kaoti te UEA ao ane na onikia b'a te ne ni kanaiai ae ura; Ao ane E na ongia n unna, ao a na ura rake n te ai.

¹⁰Akea temanna irouia aia kariki ae na maiu; E na bane ni kamateia te uea.

¹¹Ngkana a karioi aia babaire aika bubuaka n ekianako, Ao a na aki nako raoi.

¹²E na katebe nako kanoan ana kainikatebe ni kainetia, ao ane a na rairaki ni biri nako.

¹³Te UEA, Ko na neboaki i bukini korakoram! Ti na anene ni kamoamoa m'aakam.