Read Te B'aib'ara Taian Areru 26 Bible Online

Taian Areru 26 - Te B'aib'ara bible

Taian Areru 26

¹(Ana Areru Tawita) Te UEA, Ko na kaeta taekau, B'a I karaoa ae eti, ao I onimakiniko ni koaua.

²Te UEA, Ko na nenera nako arou, ao kataai; b'a tera nanou ma au iango.

³E teitei i matau am Tangira ae teimatoa; Ao am kakaonimaki e teimatoa ni kairirai.[8]

⁴I aki raoraoniia akana buakaka; Ao akea reitakiu ma akana m'am'anaa te aba.

⁵I aki kani bobotaki ma akana buakaka; Ao N na aki tekateka i buakoia taani bure.

⁶Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

⁷Ao I anenea katituaraoam, are I tataekin iai taekan am M'akuri aika Kamimii.

⁸Te UEA, I tangira te Tembora are Ko mamaeka iai, Are te tabo are e mena iai mimitongim.

⁹Tai taeai nako n ai aron taenakoaia taani bure ao tai katuaeai ma aika mate n aron are ko karaoia nako ia aomata aika taan tiritiri,

¹⁰Ake a aki toki ni kakaraoa ae buakaka, ma n tatauraoi ni butim'aai m'aane n anai nano b'a aia b'ai.

¹¹Ma ngai, I karaoa ae eti; Nanoangaai, ao kamaiuai!

¹²I maiu ri buakon te kaangaanga; N na kamoamoa te UEA n te bootaki ae ab'ab'aki.