Read Te B'aib'ara Taian Areru 31 Bible Online

Taian Areru 31 - Te B'aib'ara bible

Taian Areru 31

¹(Te areru mairoun Tawita i bukin te tia kaira te katangitang.) Te UEA, I nakoim i bukini kamanoau; N na bon aki maneang iroum. Kamaiuai ngkai te Atua ae e raoiroi Ngkoe.

²Ongo irou, bareiko ni kamaiuai! Ko na riki b'a au b'a ae rietaata ae nneu ni katantan, ao au nono ni kamaiu.

³B'a bon au b'a ae rietaata ma nneu ni kamaiu Ngkoe; Ko na kairiirai ma n tuatuangai arou n aron are ko a tia ni berita iai nako iu.

⁴Kawakinai b'a N aki m'ane n te b'ai ni kam'am'ane ae kamenaki i m'aiu;

⁵I kaaki taekau i nanoni baim; B'a Ko kamaiuai, te UEA ae te Atua ae Ko kakaonimaki.

⁶Ko ribaia akana taromaurii atua tabeman ma I onimakiniko.

⁷N na kukurei ma ni kim'areirei i bukin am Tangira ae teimatoa. Ko noori marakiu; ao ko atai au kanganga

⁸Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

⁹Te UEA, nanoangaai; b'a e kai nanou; A kainano matau i bukin te tang ae bati; Akea angin rab'atau.

¹⁰Ti te nanokawaki ngai n taai nako ni maiu; Ao e kakimototoaki maiu i bukin te tang ni korakai. I a mamara i bukin au bure;[12] A n tangorengore toman riu.

¹¹A taku ake a ribaai b'a akea wareu, ai moa ra riki ake a maeka i rarikiu; ao a makai te koraki ake a ataai; a biri nako ngkana a norai n te kawai.

¹²A bane aomata n aki uringai, b'a kanga ai aron ae I a tia ni mate; Ai aron te b'ai ngai ae teweaki nako b'a akea bonganana.

¹³I ongo b'anaaia ni wirikiriki taan ribaai aika m'aiti; I otab'aniniaki n te kakamaaku. A kario iango b'a a na eekainako. A iangoa kamateakiu.

¹⁴Ma iai irou onimakinam, te UEA; Bon Atuau Ngkoe.

¹⁵E mena iroum mwiokoni maiu; Kamaiuai mairouia taan ribaai, ake taani b'ainikirinai.

¹⁶Taraai, ngai ae am Toro, ma moam n akoi; Kamaiuai n am Tangira ae Teimatoa.

¹⁷Te UEA, I weteiko; N na aki b'ainrang iroum. Kab'ainrangiia akana buakaka, ao kanakoia nako Tiore n aki karongoa.

¹⁸Kaini wiia taani kewekewe, ake a taetae ni kainikatonga n taku b'a akea manenaia aomata aika raoiroi.

¹⁹Ai kamimiira baika raraoi ake Ko kakawakin i bukiia ake a karineko! A bane aomata nako n ataiko b'a Ko raoiroi, Ao a ataa naba ae a mano raoi i Roum akana onimakiniko.

²⁰Boni neia ni karabaia Ngkoe man aia m'akuri ni kakam'arua aomata; Ko karabaia n te tabo ae a mano raoi iai man taian taetae n iowawa.

²¹E na karaoiroaki te UEA! B'a E kaota kamimiin ana tangira ae teimatoa nako iu, Ngke kanga ai aron te kaawa ngai are niniaki ni buakanaki!

²²I maaku, ao I taku b'a I a tia ni kararoaki nako mai Rouna. Ma E ongo au bubuti, Ngke I weteia b'a E na buokai.

²³Kam na bane n tangira te UEA, ngkami akana ana Aomata akana onimakinna; E kawakinia akana kakaonimaki te UEA, Ma E kabatia kain ane kainikatonga.

²⁴Kam na korakora ao kam na ninikoria, ngkami ni kabaneingkami akana kam kaantaninga te UEA.