Read Te B'aib'ara Taian Areru 34 Bible Online

Taian Areru 34 - Te B'aib'ara bible

Taian Areru 34

¹(Ana Areru Tawita; ngke e baka n rangirang i matan Abimereka, ao e na kona ni kakioa nako Abimereka, ao e nako) N na karaoiroa te UEA n te bong ae koraki; N na aki toki ni karaoiroia.

²N na karaoiroia i bukini baika E a tia ni karaoi; A na kukurei akana karawaawataaki ngkana a ongo taekana!

³Kam na neboa te UEA ma ngai, Ao ti na bane ni karietata arana.

⁴I tataro nakon te UEA, ao E ongo irou: E kamaiuai mani b'aai ni kabane aika I maaku iai.

⁵Onimakinna, ao kam na kukurei; Kam aki kona ni b'ainrang.

⁶E weteia te aomata ae kainano, Ao E ongo i rouna; E kamaiua man rawawatana ni bane.

⁷A kakawakinaki akana karinea te UEA iroun ana anera, Ao e kamaiuia man taiani kaangaanga.

⁸Kataia ni kunea i bon iroum aron raoiroin te UEA. E a kab'aia te aomata ae nakoina i bukini kamanoana.

⁹Kam na karinea te UEA, ngkami aika kam onimakinna: a aki kai nanoia akana karinea.

¹⁰A kona raian ataei ni baki b'a akea kanaia, ma akea te b'ai ae e raoiroi ae na aki reke irouia akana ongeaba iroun te UEA.

¹¹Ngkami aika kam reirei irou, kam na nako mai n ongora irou, ao N na reireingkami b'a kam na rabakau ni karinea te UEA.

¹²Ai antai ae tangira maiuna b'a e na ananau ma ni kakukurei?

¹³Ma ngaia ae tai taetae n iowawa, ao tai b'aina te kewe.

¹⁴Taan nako man te buakaka, Ao karaoa ae e raoiroi. Kekeiaki ni b'aina te rau ni maium.

¹⁵E aki kaaki matana te UEA mairouia akana raoiroi; ao E ongo ni b'anaaia ni bubuti.

¹⁶Ma E ekianako nako akana buakaka, b'a ngkana a mate, ana bon akea naba ururingakiia teutana.

¹⁷Ngke a tangira buokaia akana raoiroi, ao E ongo te UEA irouia; ao E kamaiuia man aia kaangaanga ni bane.

¹⁸E kaan te UEA ma akana a b'ara nanoia, ao E kamaiuia akana uruaki nanoia.

¹⁹A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

²⁰E tararuaia raoi te UEA, ao akea naba teutana ikoakina.

²¹A na mate akana buakaka n aia m'akuri aika bubuaka; Ao a na karawaawataaki akana ribaia akana raoiroi.

²²E na kamaiuia ana Aomata te UEA, Ao a na aki kabuakakaaki akana kamanoia i rouna.