Read Te B'aib'ara Taian Areru 39 Bible Online

Taian Areru 39 - Te B'aib'ara bible

Taian Areru 39

¹(Ana Areru Tawita i bukin Ierutun mataniwin te katangitang.) I kaangai, N na taraa raoi kawaiu ao N na taua neweu man te bure; N na katokai baiu n rabun wiiu ngkae a mena i rariku taani bure.

²Ma ngke I aki taetae ma n rau, ao n aki atonga naba te raoiroi teuana, ao kurakaiu e tabe n rikirake.

³E rikirake bueen nanou, ao ngke I tabe ni iango, ao e a rikirake riki bueen nanou; ao n tokina I a taetae ao I taku:

⁴“Te Uea, kaoti nako iu m'aitin au bongi ni maiu; N ningai ae n na mate iai? ao kaotia naba nako iu b'a e na kanga tokin maiu.”

⁵Moan te uarereke au bongi ni maiu; m'aitin au ririki ni maiu bon te akea i matam. Te maiu aei kaanga mwemwen te ang,

⁶kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

⁷Te Uea, tera ae I kantaningaia? E mena au kaantaninga iroum.

⁸Kamaiuai mani bureu nako, tai karikai b'a aia b'ai ni ngare nanobaba.

⁹I aki ngongoo; I aki taetae naba teutana, b'a boni ngkoe ae ko karika aei.

¹⁰Kararoa am Rekenikai mairou; I bon rawata n oron baim.

¹¹Ko boaiia ma n reireiniia aomata man aia bure; ao ko kamaunai kaub'aia kaanga te m'ata te aomata boni kaanga te nu.

¹²Te UEA, Ongo au tataro, ongo tangu ni kani buokaki; tai kabonoa taningam nakon ngurengureu. I maeka ma ngkami b'a, ami iruwa, ao N na boni waetata n nako.

¹³I a butiiko ma tai manga bononnanoai, b'a I aonga ni manga kim'areirei i m'ain ae I nako, ao I a aki manga oki.