Read Te B'aib'ara Taian Areru 41 Bible Online

Taian Areru 41 - Te B'aib'ara bible

Taian Areru 41

¹(Te areru mairoun Tawita i bukin te tia kaira te katangitang.) A kab'aia akana mutiakiniia akana akea aia b'ai; E na buokiia te UEA ngkana a reke n te kaangaanga.

²E na kawakinia te UEA ma n tautau mauriia; E na kakab'aiaia i aon te aba; E na aki kaaki taekaia i nanoni baiia aia kairiribai.

³E na buokiia te UEA ngkana a aoraki, Ao E na manga kamarurungia.

⁴Ao ngai I taku, “te UEA, I a tia ni bure nakoim; Ko na nanoangaai ao kamaiuai.”

⁵A atonga ae buakaka au kairiribai ni kaangai, “N ningai ae e na mate iai, n aki manga uringaki?”

⁶Ngkana a roko ni kawarai ao akea nanon aia taeka; A kaikoi taekau aika aki raraoi, Ao a oti nako n taekin n taabo nako.

⁷A bane ni wirikirikia taekau akana riribaai; A iangoi baika N na kona ni karawawataki riki iai.

⁸A kaangai, “E rangi ni kakaiaki aorakina; E na aki kona ni manga marurung.”

⁹Ao e eekainako naba te aomata ae bon raou ni koaua ae I onimakinna, ae raoraou n am'am'arake.

¹⁰Te UEA, Ko na nanoangaai, ao kamaiuai man aorakiu, B'a I aonga ni kaboa mwin aia m'akuri nako iu.

¹¹A na aki kona n tokanikai i aou, Ao N na ataia iai ae ngaia Ko kukurei irou.

¹²Ko buokai i bukin ongeabau nako Im, Ao Ko na katukai i rarikim n taai nako.

¹³E na karaoiroaki te UEA, ae Atuaia Iteraera! E na karaoiroaki ngkai ao n aki toki! Amen! Amen!