Read Te B'aib'ara Taian Areru 54 Bible Online

Taian Areru 54 - Te B'aib'ara bible

Taian Areru 54

¹(Ana Areru Tawita are e koreia ngke a nakon Tauro I-Tibi ao a kaangai, E karaba Tawita iroura. Ana b'ai aia Mataniwi taan anene-ni b'aai ni katangitang aika iai karaia.) Te Atua, Ko na kamaiuai ni m'aakam; Kainaomataai ni korakoram.

²Te Atua, Ko na ongo n au tataro, Katanimaia taningam nakon au taeka!

³A roko n eekainako aomata aika kainikatonga, Ao a kataia b'a a na tiringai aomata aika tiritiri, aika aki mutiakina te Atua.

⁴Ma bon te tia buokai te Atua; Bon te tia kamanoai te Uea.

⁵E na karawawataia taan ribaai, i bukin aia m'akuri aika buakaka. Te Atua, Ko na kamateia i bukina ngkai Ko kakaonimaki.

⁶Te UEA, N na kukurei n anga te karea nakoim; N na anganiko katituaraoam i bukina b'a Ko raoiroi.

⁷B'a Ko a tia ni kamaiuai man rawaawatau ni kabane, Ao I a tia n noriia aiau ngke a tae aia kai.