Read Te B'aib'ara Taian Areru 56 Bible Online

Taian Areru 56 - Te B'aib'ara bible

Taian Areru 56

¹(Ana b'ai aia Mataniwi taan anene; e katangaki ni b'anaan te anene ae Te Taobe i aon te kai ae te Oke ae kiraroa. Ana Areru Tawita, ngke e tauaki irouia I-Biritia i Kate) Te Atua, Ko na nanoangaai, b'a a eekainako aiau: A aki toki ni b'ainikirinai.

²Akea tokiia n eekainako. A bati aika buakanai.

³Ngkana I maaku, Atuau, ao N na onimakiniko.

⁴I onimakina te Atua ao akea te b'ai ae N na makua iai; I kamoamoaa i bukin ana taeka. Tera ae e kona ni karaoia te aomata nako iu?

⁵A kariki kaangaanga nako iu aiau ni kabongnga; A aki toki ni kakaei aaro aika N na kabuanib'ai iai!

⁶A bootaki ni karabaia, Ao a taratarai nako baika I karaoi, ma nanoia ni kani kamateai.

⁷Te Atua, kareke kaia i bukin iowawaia; Kataenikaiia n unim!

⁸Ko ataa arou n aki rau; Ko kawakin taekan mwin m'aitin rannimatau tiaki a koreaki taekaia n am Boki?

⁹N te bong ae I weteiko iai, ao a na oki nako taan ribaai. N rikin aio ao I ataia iai b'a te tia buokai te Atua,

¹⁰ae te UEA ae I kamoamoa ana taeka!

¹¹I onimakinna ao akea te b'ai ae N na maaku iai. Tera ae e kona te aomata ni karaoia nako iu?

¹²Te Atua, I bae n au taeka ni bau nakoim: N na anganiko au katituaraoi b'a au karea,

¹³i bukina b'a Ko a tia ni kamaiuai man te mate, Ao Ko kawakinai b'a N na aki b'aka. B'a I aonga nakonako i matam te Atua ao n ira te oota are nako n te maiu.