Read Te B'aib'ara Taian Areru 57 Bible Online

Taian Areru 57 - Te B'aib'ara bible

Taian Areru 57

¹(Ana b'ai aia Mataniwi taan anene; n te b'anaa ae Tai Urua. Ana Areru Tawita, ngke e biri nako mairoun Tauro ao e mena n te b'angani matang.) Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

²I tataro nakon te Atua are Moan te Rietaata, are te Atua ae karekei b'aai ni kabane aika e kai nanou iai.

³E na kaekaai mai karawa ao E na kamaiuai. E na katae aia kai taan ribaai. E na kaota nako iu arona n ataataiaomata ma n onimakinaki.

⁴A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

⁵Te Atua, Ko na kaota kakannatom i eta i karawa, ao mimitongim i aonnaba ni kabutaa.

⁶A kataia ni kam'aneai taan ribaai n aia b'ai ni kam'am'ane; e bua au kaantaninga. A kena te m'arua i m'aini kawaiu, ma a manga boni b'aka i nanona.

⁷Te Atua, e nene ni matoatoa au kaantaninga; e nene ni matoatoa. N na anene n neboiko!

⁸Uti teirake tamneiu! N na kauta au b'ai ni katangitang! N na kauta taai

⁹Te Atua, N na katituaraoiko i buakoia aomata, N na anenea karaoiroam i buakoia botannaomata.

¹⁰Ai ab'ab'akira am Atataiaomata, ai aron raroan aontano ma karawa; ti te arona ma arom ni kakaonimaki.

¹¹Te Atua, Ko na kaota kakannatom i karawa, ao mimitongim i aonnaba ni kabutaa.