Read Te B'aib'ara Taian Areru 6 Bible Online

Taian Areru 6 - Te B'aib'ara bible

Taian Areru 6

¹(Ana Areru Tawita i bukin mataniwiia taan kaira te anene, ake a kabonganai b'aini katangitang aika iai karaia ni kaineti ma te “sheminith” ae te b'ai ni katangitang ae m'aane karaina) Te UEA, Ko na tai boaai, ke ni kataereai n reireiai ngkana Ko un.

²Te UEA, Ko na nanoangaai; b'a I a nrairai. Ko na kamaiuai, b'a I rangi ni mamaara.

³E korakora kiriween nanou. Ai ti maanraa ngkoe Te UEA ao Ko a buokai?

⁴Te UEA, rairaki ao nako mai kamaiuai; Ko na kamaiuai ngkai Ko ataataiaomata.

⁵Akea uringam irouia aika mate; ao antai ae kona n neboiko i Tiore?

⁶I kua i bukini korakoran rawawatan nanou; e tingo nneu ni wene n te tairiki ae koraki i bukin tangiu; ao e rangi n roto uningau n rannimatau.

⁷I a aikoa bati n noraaba; a tibutau matau imwin tangu ni korakai irouia aiau.

⁸Naako mairou, ngkami ni kabaneingkami aika kam buakaka! E ongo tangiu te UEA;

⁹E ongo au bubuti ni kani buokaki; E na kaekai au tataro ni kabane.

¹⁰A na ataa korakoran te kamamaa ae e reke man te konaaki au kairiribai; A na waetata ni biri nako ma te mamaa ae bati.