Read Te B'aib'ara Taian Areru 60 Bible Online

Taian Areru 60 - Te B'aib'ara bible

Taian Areru 60

¹(Ana b'ai te tia kaira te anene: n te b'ana ae Kiebun te Boraraoi. Ana Areru Tawita; te b'ai n reirei; ngke e buakaniia I-Aramnaaraim ma I-Aramtoba, ngke e oki Ioaba, ao e kamateia tebwi ma uoua tengaa I-Etom n te M'arua are Tari.) Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai. [20]

²Ko a tia ni kam'aeieia aon te aba, ao Ko a tia naba ni bwenauaia ni kaukia; katoka ikoakina ngkai, b'a ae e nang aki reke arona.

³Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

⁴Ko a tia ni kanakoa am Taeka ni Katauraoi nakoia ake iai karineam irouia, b'a a aonga ni maiu man te kabuanib'ai ngkana e roko.

⁵Ko na kamaiura ni m'aakam; ao ongo ara bubuti, b'a a aonga ni kamaiuaki aika tangiraki iroum.

⁶E a tia n taetae te Atua man ana Tembora are Tabu ni kaangai, “N te tokanikai ao N na koro-m'akoroa aon Tekem ao N na tib'aa nako nanon te M'arua are Tukota nakoia au Botannaomata.

⁷Bon abau Kireata, ao abau naba aban Manate; otangan atuu Eberaim, ao Iuta ai aroni m'akau n tautaeka.

⁸Ai aron au beetin n uati Moaaba, ao N na tewenakoi au kauniwae i Etom, b'a kanikinaean ae I b'ainna. A iangoia kaain Biritia b'a a na takaakaa n tokanikai i aou?”

⁹Te Atua, Antai ae e na kairai nakon te kaawa are nonoaki? ke nako Etom?

¹⁰Ko a ribaira? ao Ko a aki kan iria ara taanga nakon te buaka?

¹¹Ko na buokira ngkana ti buakaniia aiara; b'a akea te aomata ae kona ni buokira.

¹²Ti na tokanikai ngkana E raoniira te Atua; E na katae aia kai aiara.