Read Te B'aib'ara Taian Areru 67 Bible Online

Taian Areru 67 - Te B'aib'ara bible

Taian Areru 67

¹(Te Areru; te anene; ana b'ai aia Mataniwi taan anene; ma b'ai ni katangitang aika iai karaiia) Te Atua, nanoangaira ao kakab'aiaira; Ko na taraira ma te mata n akoi,

²B'a a aonga botannaomata nako n ataa kamaiuan te aba iroum.

³Te Atua, a na neboiko aomata; A na neboiko aomata ni bane!

⁴A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba.

⁵Te Atua, a na neboiko aomata; A na neboiko aomata nako.

⁶E kariki uaana aontano ni kabatia; E a tia te Atua, ae Atuara, ni kakab'aiaira.

⁷E a tia te Atua ni kakab'aiaira; A na bane aomata nako n taabo nako ni karinea.