Read Te B'aib'ara Taian Areru 75 Bible Online

Taian Areru 75 - Te B'aib'ara bible

Taian Areru 75

¹(Ana b'ai aia Mataniwi taan anene; n te b'ana ae Tai Urua. Ana Areru Ataba; Te Anene) Ti katituaraoiko, te Atua, ti katituaraoiko! Ti kaotiotiko b'a Ko kakannato, ao ti tataekin baika kamimii ake Ko a tia ni karaoi.

²E taku te Atua, “I a tia ni bairea te tai ni motikitaeka, ao N na motikitaeka ma te eti.

³A ngae n ruru maan aika maiu, ao e m'aeiei aonnaba, Ma N na boni kawakini bouana b'a a na nene ni matoatoa.

⁴I tuangiia akana buakaka b'a a na aki kainikatonga;

⁵I tuangiia b'a a na aki karietataia.”

⁶E aki roko mai mainiku ke mai maeao te motikitaeka; Ao e aki roko naba mai meaang ke mai maiaki;

⁷Bon te Atua ae motikitaeka, ni kabuakakaia tem'angina ao ni karaoiroia tabem'aang.

⁸E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

⁹Ma ngai, N na aki toki n tataekina Atuan Iakob'a, Ma n anene n nebonebo nakoina.

¹⁰E na uru korakoraia akana buakaka, Ao E karikirakei korakoraia akana raoiroi.