Read Te B'aib'ara Taian Areru 79 Bible Online

Taian Areru 79 - Te B'aib'ara bible

Taian Areru 79

¹(Ana Areru Ataba) Te Atua, a roko baronga tabeua n ninia Abam. A kam'araea am Tembora are Tabu ao a urubekebekea aon Ierutarem.

²A katikuia am Aomata ake a mate b'a kanaia mannikiba ma maan ni kaakang.

³A bane ni mate aomata i aon Ierutarem, Ao akea ae tiku ni maiu ae na tauniia maate.

⁴A taetae ni kabuakakaira botannaomata aika maeka i rarikira; A ngareakinira ao a kakanikoira.

⁵Te UEA, e na reiti nako unim iroura? E na reiti nako uran unim n ai aron uran te ai?

⁶Ko na karokoa unim i aoia botannaomata ake aki taromauriko, Ao i aoia aomata ake a aki tatataro nako Im.

⁷B'a a tia ni kamateia am aomata; A tia n urua abam.

⁸Ko na tai kareke kaira i bukin aia bure ara bakatibu. Ko na nanoangaira ngkai; a mamaara nanora.

⁹Te Atua ae ara tia kamaiu, buokira; Kamaiura ao kab'arai ara bure b'a e aonga ni karineaki aram.

¹⁰E aera b'a a na kaangai nakoira botannaomata, “Engaa Atuam?” Ti na noriko ni kareke kaiia botannaomata i bukini katuuan raraaia am Toro.

¹¹Ko na ongo rawawatan nanoia akana kabureaki, Ao kainaomataia ni m'aakam akana motikaki taekaia b'a a na kamateaki.

¹²Te Uea, kaitiua te tai nakoia botannaomata booni mwin aia taetae n iowawa ni kabane nakoim.

¹³Ao ngaira, aika am Aomata, aika am Nanai n tiibu, ti na neboiko n taai nako, Ao ti na tataekina kamoamoaam nakon te rorona ma te rorona.