Read Te B'aib'ara Taian Areru 9 Bible Online

Taian Areru 9 - Te B'aib'ara bible

Taian Areru 9

¹(Ana Areru Tawita i bukin te tia kaira te katangitang. E kaineti tangina ma “Maten te Nati te Mm'ane.”) N na katituaraoiko te UEA, ma nanou ni kabanea N na tataekini b'aai ni kabane aika kamimii ake Ko a tia ni karaoi.

²N na anene ma te kim'areirei i bukim. N na anene ni karaoiroa aram, Ngkoe ae Ko Moan te M'aaka.

³Ngke a noriko taan ribaai, ao a kerikaki ma ni b'aka, ao a mate.

⁴Ko tekateka i aon am Kaintoka ni motikitaeka, Ao Ko kakoauaki n am Moti ae aki nanonano.

⁵Ko boaiia botannaomata akana aki onimakiniko, Ko kamateia akana buakaka, ao a na bon aki manga ururingaki ni karokoa akea tokina.

⁶A mauna nako taan riribai n aki manga noraki mataia. Ko a tia n urubekei aia kaawa ake a buubura; ao e na bon akea manga ururingakiia.

⁷Te UEA, Ko tautaeka n aki toki, ao Ko toka i aon am Kaintokanuea, i bukin te motikitaeka.

⁸Ko motika taekan te aba n akea te nanonano, ao Ko karaoa te riai nakon te botannaomata.

⁹Bon te tabo ni kamaiu te UEA i bukiia akana a karawaawataaki, ao bon te nne ni kamanomano ni bongin te rawaawata.

¹⁰A na onimakiniko akana a ataa aram, ao Ko aki kitaniia akana nakoim.

¹¹Kam na anenea karaoiroan te UEA are maeka i Tion! Kam na tataekin ana M'akuri i buakoia botannaomata.

¹²Ko aki m'aninga taekan katuaaeaia akana a buakaka ke ni kakauongo nakon tangiia akana a kainano.

¹³Te UEA, Ko na nanoangaai! Noora b'ainikirinau irouia ake a ribaai. Kararoaai man te mataroa are e kaineta te mate,

¹⁴b'a I aonga n aneneiko ni mataroan Tion. N na kim'areirei i bukina ngkai Ko kamaiuai.

¹⁵A b'aka botannaomata ake a aki onimakiniko i nanon kinono ake a ken. A boni manga bae waeia n aia b'ai ni kam'aam'ane.

¹⁶E kaotia te UEA n arona ae boni kororaoi ni motikitaeka n te eti, ao a manga boni m'ane aomata akana buakaka n oin aia m'akuri.

¹⁷A na nako Tiore akana buakaka, nakon abaia maate n raoniia akana a rawa nakon te Atua.

¹⁸E na aki m'anuokinaki n taai nako taekan ane e kai nanona; ao e na aki mauna n aki toki ana kaantaninga ane akea ana b'ai.

¹⁹Karaoa ane ko taku, te UEA! Tai kariaia botannaomata b'a a na tokanikai i aon am Babaaire. Kateia i matam akana aki onimakiniko, b'a Ko na motiki taekaia.

²⁰Te UEA, Ko na kakamakuia botannaomata; ao kaotai nanoia b'a a aonga n ataia ae bon aomata aika a mamaara ngaiia.