Read Te B'aib'ara Taian Areru 91 Bible Online

Taian Areru 91 - Te B'aib'ara bible

Taian Areru 91

¹Ane katanna iroun te Atua ae Moan te Rietaata, Ane kamanoa iroun te Atua ae M'aaka,

²E na kaangai nakoina, Bon te tia katanai ao te tia kamanoai Ngkoe. Bon Atuau Ngkoe; I onimakiniko.

³E na kakawakiniko b'a ko na aki kabuanib'ai mani b'aai ni kam'am'ane aika raba mai roum, Ao man aoraki aika kamaamate.

⁴E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

⁵Ko na aki maka te b'ai teuana ae kakamaaku n te bong, Ke buakanakim ae karina n te ngaina,

⁶Ke anti aika buakaka aika aiwaa n te bong ma te ngaina n iowawa ma n tiritiri.

⁷Ngkana a b'aka ni mate tengaa te aomata i rarikim, Ao tebwina tengaa ni katobibiko, ma ngkoe, ko na bon aki ikoaki.

⁸Ko na ti tarataraia akana buakaka ma n noori aroia ni karekeaki kaiia.

⁹Ngkai ko a tia ni karika te UEA ae Moan te Rietaata b'a te tia kamanoko ao te tia kawakiniko man te kabuanib'ai,

¹⁰Ao bon akea te kabuanib'ai ae na roko iroum, Ke te rawaawata ae na kaania mwengam.

¹¹E na mwiokoia ana anera te Atua b'a a na tararuaiko ni kawakiniko n taabo ake ko na nako iai.

¹²A na tauko ni baiia b'a e kaawa n toki waem n te atibu.

¹³Ane ko na toutou aoia raian ma naeta aika tiritiri ma ni kamaamate.

¹⁴E taku te Atua, “N na kamaiua akana tangirai, Ao N na kakawakiniia akana ataai b'a te UEA ngai.

¹⁵Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

¹⁶N na anganiia kaniwangaia ae te maiu ae ananau; N na kamaiuia.