Read Te B'aib'ara Taian Areru 95 Bible Online

Taian Areru 95 - Te B'aib'ara bible

Taian Areru 95

¹Nako mai, ti na anene nakon te UEA! Ti na anene ni kim'areirei nakon te Atua, are kakawakinira man te kabuanib'ai!

²Ti na roko i matana ma te katituaraoi ao ti na anene ni kim'areirei n anene n nebonebo.

³B'a bon te Atua ae kakannato te UEA, ao E m'aaka i aoia atua ni kabaneia.

⁴E taua taekan aonnaba, man taabo aika rangi n nano ni karoko aoni maunga aika rangi n ririeta.

⁵Ana b'ai taari, b'a E karaoia, ao ana b'ai naba te aba, b'a E karikia.

⁶Nako mai, ti na bobaraaki n taromauria; ti na katorobubua i matan te UEA ae te tia karikira!

⁷Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

⁸“Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

⁹Ike a kataai iai ao a kekera nako arou, e boni ngae ngke a tia n noori baike I karaoi i bukiia.

¹⁰Abwi au ririki n rangi n ribaia te koraki arei. Ao I taku, ‘Ai bure ra nanoia! A rawa ni kan ongeaba nakon au taeka.’

¹¹Ma ngaia are I taetae n un ao I kab'aka au berita ‘kam na bon aki kona n rin n te aba are N na kaman tia n anganingkami iai te motirawa.’ ”