Read Te B'aib'ara Taeka n Rabakau 14 Bible Online

Taeka n Rabakau 14 - Te B'aib'ara bible

Taeka n Rabakau 14

¹E tei raoi ana utu te aine n rabakauna, ma e konaa ni uruaki arona n nanobabana.

²Ngkana kam maiu raoi, kam bon kaotia b'a kam karinea te UEA; ngkana kam b'anganikewe, kam bon kaotia b'a kam bon akea boonganan te Atua.

³A katuaaeaki taian nanobaba aika a kamoamoa, i bukin aia taeka ni baba, ma e konaa ni kamaiuko te taeka ae e iangoaki raoi.

⁴Ngkana e aki buobuoki te kao ao e na bon akea taian uita, ma e na rangi ni m'aiti taian uita n te kao ae e marurung.

⁵E taekina te koaua te tia kakoaua ae e raoiroi; ma bon akea te b'ai ae e taekinna b'a ti te kewe te tia kakoaua ae e buakaka.

⁶B'ainingarea te wanawana ao e na aki reke iroum. Ma ngkana iai iroum te ataib'ai, ao e na beebete rokon te rabakau.

⁷Kararoaingkami mairouia nanobaba, b'a kam kaawa n aki rabakau te b'ai teuana.

⁸Akea aia kangaanga aomata aika a wanawana ngkana a kakaaea kawaia, ma a waekoa ni bua aomata aika a nanobaba.

⁹A aki tabe aomata aika a nanobaba ngkana a karaoa ae e bure, [26] ma e kukurei te Atua ngkana a karaoa ae e raoiroi aomata.

¹⁰Bon akea ae e konaa n ataia raoi b'a m'aitira kukureim ke nanokaawakim.

¹¹E teimaan riki ana autinrianna te aomata ae e raoiroi nakon ana auti te aomata ae e buakaka.

¹²Kam na taku b'a kam mena n te kawai ni koaua ao ngaia kam a toki n te mate.

¹³E karabaa te nanokawaki i tinanikun te ngare ao e na toki te kukurei n te nanokawaki.

¹⁴Kam taia te b'ai ae kam unikia, e ngae ngkana e raoiroi ke e buakaka.

¹⁵Kam na aki burababa mani kakoauai b'aai ni kabane akana kam ongo, kawanawanaingkami ao ataa te tabo ane kam nako iai.

¹⁶Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

¹⁷A rangi ni kakai un aomata aika nanobaba, ao bon akea ae e na tangiriko ngkana akea onimakinam.

¹⁸E kairiko nakon te nanobaba te bangab'ai; kawanawanako ao reirei.

¹⁹E kawakawa n roko te aomata ae buakaka nakoia aomata aika a ongotaeka iroun te Atua.

²⁰Bon akea raoraom ngkana kam maiu ni kainano, ma a na bon rangi ni m'aiti raoraom ngkana kam kaub'ai.

²¹Bon te kaairua ae kam na ribaia tabem'aang, ma e kakab'aiaia aomata nako te Atua akana a akoi nakoia aika a maiu ni kainano.

²²Bon te kaairua karaoan babaaire aika a buakaka, ma a na reke raoraom aika a kakaonimaki ngkana kam tangiria ni karaoa ae e raoiroi.

²³E boongana te m'akuri m'aaka, ma a na karikiko b'a te aomata ae e maiu ni kainano te taetae ae e akea kanoana.

²⁴E konaa ni karikiko b'a te kaub'ai te wanawana, ma te nanobaba e kona ni kairiko nakon te nanobaba ae e korakora riki.

²⁵E konaa ni kamaiuko te tia kakoaua ae e raoiroi, ma a aki konaa n onimakinaki aomata aika taani kewe.

²⁶Ngkana kam karinea te UEA ao e a reke ami nono ae e matoatoa ngkoe ma ami ataei

²⁷ao te koburake n ran ae e anga te maiu are e kakaawakiniko man taiani b'ai ni kam'ane aika kamaamate.

²⁸A teimatoa ni karineaki taan tautaeka aika a korakora n taiani botannaomata ma bon akea aroia taan tautaeka ni botannaomata aika a uarereke.

²⁹Bon te m'akuri ae e wanawana te taotaonaki n nano, ma bon te bangab'ai te kakaiun.

³⁰Ko na marurung raoi ngkana e rau nanom, e konaa ni kaningkami te aki rau n nano.

³¹Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

³²A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate. [27]

³³E reke te wanawana inanoia aomata aika a iangoraoi, ma a aki ataa aei aika a nanobaba.[28]

³⁴E uota te karineaki nakon te botannaomata karaoan ae e raoiroi, ma e karokoa te b'ainrang te bure.

³⁵A anga te kaniwanga taian uea nakoia aia taani m'akuri aika a m'akuri ma te wanawana, ma a katuaaia akana a m'akuri ma te nanobaba.