Read Te B'aib'ara Taeka n Rabakau 17 Bible Online

Taeka n Rabakau 17 - Te B'aib'ara bible

Taeka n Rabakau 17

¹E raoiroi riki kanakin te kariki ae e m'au ma te rau ao te aki kakarongoa nakon te baka n am'arake ae a bane ni ngurengure kaaina.

²Te toro ae e m'akuri korakora e na tautaekana te te nati ae e aki raoiroi, ao e na anganaki te toro anne tib'angana ae ti te bo ma tib'aia naati ni kabane.

³E tuoaki te koora ma te tirewa n te ai ao a tuoaki nanora iroun te UEA.

⁴E kakauongo te tia kakiriwe irouia taani kakiriwe, ao a ongo taani kewe irouia taan kewe.

⁵Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

⁶A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

⁷E taraa n nanobaba te taetae ae e iangoaki raoi iroun te nanobaba, ma e a rangi n buakaka riki ngkana e b'aina te kewe te tia tautaeka.

⁸A taku tabeman b'a e karaoa te kamimii te kamaraato, a kakoaua b'a e konaa ni karaoi b'aai.

⁹Kam kateimatoa ami iraorao ma raoraom nako ngkana kam kab'ara aia bure, ma kam kakeaa raoraom ngkana kam teimatoa n taetaekina te kaairua ae a tia ni karaoia.

¹⁰E kariaia kaetakina te aomata ae e iangoraoi, ma kam aki konaa n orea te nanobaba ni karina te koaua i rouna.

¹¹A rangi n tangiria ni kakaitaraa aomata aika a iowawa ai ngaia are, a na kanakoaki taan eekaanako te aba b'a a na buakaniia.

¹²E aki kamaamate riki iraeakin natin te bea nakon te nanobaba ae e taningabono.

¹³E na teimatoa n reereke iroumi te kangaanga ngkana kam karaoa ae e aki raoiroi nakoia aika a raoiroi nakoim.

¹⁴Moanakin te kauntaeka kaanga ai aron te raran ni nnen te ran ma ngaia are, waekoa katokia i m'aain ae e nang bon riki raoi te uruaki.

¹⁵E aki tangiria aika a kamaiuia taani bure te UEA ke ni kabuakakaia aika akea aia bure.

¹⁶E aera ngkai e na iai aia m'ane nanobaba i bukin aia reirei ngkai a rawa n reirei?

¹⁷A aki toki ni kaoti aia tangira rao, ao a bungiaki ara koraki i bukin buokan ara kangaanga nako.

¹⁸Bon te waaki ni bangab'ai te anga am b'ai i bukin kariaiakan ana roun temanna.

¹⁹A kukurei aika a buakaka ma aika a kamoamoa n te kiriwe ao a teimatoa ni bububuti b'a a na kammarakaki.

²⁰Bon akea te raoiroi ae e na anganiko te baabakanikawai, ao tataekinan te kewe e na uotiko nakon te kangaanga.

²¹Bon akea kakukurein te riki b'a aia karo taian nanobaba ao akea riki te b'ai ae e na kaantaningaaki b'a ti te maraki.

²²Ngkana kam kukurei, ao kam namakina te nakoraoi; ao ngkana kam nanokawaki, ao kam bon kammarakingkami.

²³A kariaia te kamaraato ae e karabaaki aika a aonikai b'a e aonga n aki karaoaki te eti.

²⁴Ane e wanawana e ataia b'a tera bukin reken te iango raoi. Ma a aki konaa nanobaba ni karekea aia iango raoi.

²⁵A uota te nanokawaki naati aika a nanobaba nakoia tamaia ao te maraki nakon tinaia.

²⁶E bon aki riai katuaaean te aomata ae akea ana bure ao aika a kaakaraoa ae e eti.

²⁷Bon te iangoraoi te riki b'a te aomata ae e aki b'ab'arantiko man n tiku n rau.

²⁸A taraa naba ni wanawana aika a nanobaba ngkana a aki b'ab'arantiko.