Read Te B'aib'ara Te Minita 11 Bible Online

Te Minita 11 - Te B'aib'ara bible

Te Minita 11

¹Ko na b'aina te akoi, ao n te bong teuana ao ane ko na anganaki kaniwangam.[23]

²Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

³E aki toki n uouota te karau te nangi ni karau; a bon tiku naba taian aroka ni nneia ake a b'aka iai.

⁴Ane ko na aki ununiki, ao ko na aki naba taia uaan arokam ngkana ko tabe n raraomaeakina taraan kanoan te bong.

⁵Bon akea temanna ae e konaa ni kab'arab'araa, b'a e kangaa te ataei ni ikeike i m'aain bungiakina. [24] Ma ngaia are, e na kangaa te aomata ni kab'arab'araa, b'a tera ae e karaoia te Atua? E ngae ngke E bon kariki b'aai ni kabane.

⁶Unika arokam n te kaarangaina, ao tiiku ni m'akuri i nanon am tawaana ni karokoa e roo. Antai ae e ataia, ao ngaia e na kabooaki am m'akuri, ao a na bwebwerake am koraa.

⁷Bon akea n te aonnaba ae e tamaroa riki nakon taain te moaningabong.

⁸E ngae ngkana ko maiu ni karokoa karam, ao ko na riai ni kataia ni kukurei n te bong koraki, i bukina b'a ane e na manga roko te rootongitong ao e na tiku ni maan. Akea nanon b'aai nako.[25]

⁹Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

¹⁰Katoki iango ni kabane aika ko na raraoma ma ni maraki iai, b'a e waekoa ni mauna nako tamaroan te maiu n rikirake.