Read Te B'aib'ara Te Minita 12 Bible Online

Te Minita 12 - Te B'aib'ara bible

Te Minita 12

¹Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

²N te bong teuana ao ane e na mamaara ootan taai ma nam'akaina ao taiani itoi nakoim. A na teimatoa ietan atuum taian nangi ni karau.

³Ane e na rikirake ni mamaara rab'atam, a na m'aka wiim, ao ane a na keerikaaki korakoran am taratara.

⁴Ane e na toki karongoaan te ib'araua i nanon taningam aika a bono, ma ane ko na teimatoa n uti n aia anene mannikiba.

⁵Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

⁶E moti te karai ae te tirewa, ao n uruaki te boora ae te koora; a tabwenaua b'aai n ran, ao e maenikun wintin te m'anib'a.

⁷Ma ngaia are, a manga oki rab'atara nakon te tano, ao te ikeike ni maiu [26] e na okira te Atua.

⁸Akea nanon b'aai nako. I a tia n noori ni kabane akea nanon b'aai nako.

⁹Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.

¹⁰Ao i mwiina, I a kataia ni kab'arab'arai n taekaia aika I taku b'a te kabanea n eti ao ni koaua.

¹¹Ti te bo te taeka ni wanawana ma ana kai te tia kaawakiniman are e kaakaboonganaa ni kaiririia iai maan. A roko taeka n rabakau aikai mairoun te Atua, are bon ti ngaia ara tia kaawakintiibu, ao kaanga ai aron taian neera ake a kanim ni kamatoai b'aai n ti teuana.

¹²Natiu, I tangiriko b'a ko na kararoako man taeka n reirei tabeua, ao ko na ti taui aikai: Bon akea tokin taiani boki, e na uotiko nako te kamateb'ai ae moan te bati.

¹³A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

¹⁴Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.