Read Te B'aib'ara Ana Anene Toromon 8 Bible Online

Ana Anene Toromon 8 - Te B'aib'ara bible

Ana Anene Toromon 8

¹Ngke tao arona b'a m'aneu ngkoe, ao I konaa ni kiiti ma ngkoe n taabo nako ike ti kuba ni kaaitibo iai, ao akea ae e konaa ni kaburea are I karaoia.

²I konaa ni kairiko nakon mwengan tinau, are e reireinai b'aai ni kabane aika I atai.[20] I konaa n anganiko te wain ae e kangkang ma ranin uaanikai naba.

³Kaaki baim te maing i aan atuu ao rab'atai ni baim are te atai.

⁴Ataeinainen Ierutarem, berita nako iu ni m'aakan te ria ma te anterobe [21] b'a akea ae e na kauta te tangira i m'aain tauraoina.

⁵Antai te ateiaine aei ae e roko man te rereua man raraa angan teuare e tangiria? I kakiriwea am tangira i aan te kai ae te aboro ike ko bungiaki iai.

⁶Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

⁷E aki konaa ni b'ab'a te tangira n taiani marawa ke taiani ieka; e aki konaa ni kabooaki, e aoria ngkana tera ae e b'aintangiraaki.

⁸Bon iai tarira ae e uarereke ae a tuai n toro mammana. Tera ae ti na karaoia ngkana iai ae e kan mare ma ngaia?

⁹Bon tiaki te oo ngaia ae ti na konaa ni kamanoa i akuun te otanga te tirewa. Ao tiaki naba ngaia te ruu ae ti na konaa ni kaawakinna i akuun te mataroa te kai.

¹⁰Bon te oo ngai ni katobibia te kaawa ae e buubura, ao mammau bon taian taua, e na reke i rouna te kukurei ngkana e ti taraai.

¹¹Bon iai ana nnenaroka ni kureebe Toromon i B'aara Amon, are e kaakab'aka boona nakoia tem'angina n te m'aiti ae teuana te ngaa te m'akoro n tirewa n tatabeua nako.

¹²Bon ti au b'ai n ti ngai au nnenaroka ni kureebe! E na boni kaawakina ana tirewa Toromon ao koraki ake tem'angina a na bon kaawakina naba tib'angaia man te raka.

¹³Ko mena i nanon te nnenaroka ao a katobibiko raoraom. Tera ngke I ongo b'anaam!

¹⁴Kawaekoako nako iu, Raou ae e tangiraki! Kabirim'akako riki nakon te ria nakoni maungan taiani boiarara.