Read Te B'aib'ara Itaia 15 Bible Online

Itaia 15 - Te B'aib'ara bible

Itaia 15

¹Aio te rongorongo i bukin Moaaba: A kamaunaaki kaawa aika Are ao Kiri n te tairiki. E tiku n urubekebeke Moaaba!

²A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai [57] i bukin te b'ai are e riki i Nebo ao Meteb'a.

³A bane aomata i nanon te kaawa ma taiani mwenga ni kunnikaia aomata ni kunnikai aika a mangaingai ao a tang n takaarua i nanon te tai ae e maan.

⁴A tang aomata mai Etibon ao Ereare, ao e ongo te aba mai Iaati; A takaarua n tang taani buaka mai Moaaba ngke a ruru ni maaku.

⁵Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

⁶A m'auteretere karaanga n ranin Nimrim ao taian aba n uteute. A bane n rai taiani m'aanga.

⁷A nako kaain te kaawa are Moaaba, ma n ri aon te Kararang are Wiro, ma n anai b'aai ni kabane ake bon aia b'ai ake a bon karekei n aia m'akuri korakora.

⁸E ongo te aba te tang ni kaawan nako Ekeraim ao Beera-erim ao n taabo nako i aon Moaaba.

⁹A raraa karaanga n ran ake i rarikin Rimon. Ma e na karokoa te kaangaanga te UEA ae moan te korakora riki nako Rimon, [58] i bukina b'a a na bane n tiringaki irouia raian kaain Moaaba ake a biri nako.